Фестивалот EXIT започнува со подготовка за организација на големиот концертен настан кој треба да се одржи во Скопје идната година.
Од Фестивалот пред малку објавија дека плановите за реализација на фестивалот се веќе започнати.
Македонската публика од почетокот на фестивалот е една од најверните и затоа во партнерство со локални промотери, локални организации, музичари веќе идната година да почнеме голем фестивал во Скопје и да помогнеме престолнината на Македонија да стане една од водечките фестивалски дестинации во Европа.
Откако СДСМ и нивни блиски медиуми обвинија дека идниот извесен градоначалник на Скопје Орце Ѓорѓиевски лаже дека ќе го донесе фестивалот дојде одлука дека Скопје станува фестивалска дестинација.
Имаме големо задоволство што добивме покана Скопје да стане дел од фестивалскиот семејство на EXIT на градови каде организираме фестивали, објавија организаторите на фестивалот.
Младинскиот туризам генерира преку 300 милијарди евра годишно на светско ниво а фестивалскиот туризам го чини неговиот најжив дел.
Само EXIT на Нови Сад и Србија им носи 300 милиони евра годишно а сите наши настани во регионот носат значителни економски ефекти, велат од EXIT.
Речиси сите европски престолнини се веќе домаќини на големи фестивали кои во значајна мерка придонесуваат за развој на туризмот и брендирање на дестинации и Скопје заслужува да се најде меѓу нив, порачуваат од фестивалот образложувајќи ја одлуката идната година главниот град на Македонија да биде концертна дестинација за стотици илјади луѓе кои ќе уживаат во десетици концерти на светски и регионални музички ѕвезди.