Лидерот на СДСМ, Венко Филипче, ја искористи свечената седница на Централниот одбор по повод 35 години од формирањето на партијата за уште еднаш да ја сподели со јавноста сопствената дефиниција за предавство.
„Закочениот европски пат е најголемото предавство кон иднината на Македонија“, порача пред сопартијците првиот човек на „државотворната“ партија, за кого не би било предавство впишувањето на Бугарите во македонскиот устав без гаранции дека тоа е последнаата уцена кон Европската Унија, ниту е предавство промената на името на државата заради влез во ЕУ, наместо што ветото од Грција го замени тоа од Бугарија.
„Денес Македонија повторно е пред голем испит. ЕУ патот е закочен. Отворено и бессрамно ни кажуваат дека тоа ќе трае и натаму со децении, божем како заштита на националните и државни интереси. Тоа е безобѕирна лага“, додаде тој.
„На нивна страна е срамот! А тоа е страната на предавството на националните интереси, на антиевропските политики“, истакна Филипче, мислејќи на власта.