Претседателот на СДСМ, Венко Филипче на денешната прес-конференција обвини дека владата на Христијан Мицкоски направила хаос во Фондот на ПИОМ.со што во ризик ја доведе исплатата на пензиите.
Филиче, пак, смета дека е потребно власта да се придржува до законското решение кое што беше донесено во времето на владата на СДСМ и најави дека Уставниот суд ќе го укине линеарното зголемување на пензиите.
„ Законското решение на СДСМ беше логично, обезбедуваше доволна сума на пари за континуирано зголемување на пензиите, согласно зголемувањето на трошоците за живот, согласно растот на минималната плата, согласно инфлацијата. Ние направивме 50% усогласување со инфлацијата, 50% усогласување со платите. А сега Владата донесе несоодветно решение и ќе видиме сега, според одлуката на Уставниот суд, многу веројатно противуставно решение“, рече Филипче.
Од партијата на Филипче неколку дена наназад тврдат дека во Фондот на пензиско и инвалидско осигурување немало пари, но оттаму ги демантираа овие тврдења.
Од ПИОМ велат дека исплатата на пензиите ќе се одвива нормално.