„За да се спаси себеси и својата политичка кариера, генералниот секретар на ДУИ Фатон Ахмети ја доведе својата партија во Тетово до колапс: членството си заминува, поддржувачите им го вртат грбот.“ – истакнува информативниот портал на албански јазик „Фол“ во својата информација со наслов „ДУИ во Тетово се празни, игрите на Фатон Ахмети ги оддалечуваат структурите и поддржувачите“.
Натаму порталот наведува: Како што велат самите членови на огранокот на ДУИ, по информациите дека ќе претрпи дебакл во населбата Теќе во Тетово, од каде што е и самиот, Фатон Ахмети, за да ја спаси својата политичка кариера, на листата на советници ставил тројца кандидати од неговата населба „Теќе“, главно луѓе, кои се премногу блиски до него, за да го заштитат него и неговата позиција во ДУИ.
Ова предизвика голем револт, бидејќи активните структури на ДУИ и другите подограноци беа игнорирани и предадени. Ова игнорирање ги натера да ги напуштат ДУИ и опозициската коалиција Национална алијанса за интеграција. Хаос се прошири и низ целиот огранок на ДУИ во Тетово, чии членови веќе си заминаа и преминуваат на поддршка за Вреди.