Обраснат со висока трева, искршени клупи, без ниту една корпа за отпадоци, искршени сите фонтани, во што ни прерасна градското место за рекреација?! Прашума, или некогашниот урбан лик на македонската метропола. Граѓаните се згрозени од сегашната гледка на кејот на Скопје, кој некогаш беше симбол на убавината и чистотата на главниот град. За жал, сега кејот на Вардар претставува срам за скопјани, запоставен и запуштен, велат оние кои често се рекреираат, и прашуваат дали Скопје има градоначалник.
Да биде трагедијата уште поголема, градскиот кеј нема ниту една фонтана, ниту пак корпи за отпадоци. Се живо е искршено и веќе го јаде корозија. Јавноста со апел до надлежните институции итно да преземат мерки за расчистување и одржување на овој важен јавен простор.
Речиси и да нема клупа да се седе, па така добар дел од нив се искршени, извадени, садовите за смет ги нема, а изметот од домашните миленичиња ретко кој го собира и го фрла во за тоа наменети канти. Буквално никој не може да среди она што лошите луѓе, главно младите, намерно го уништуваат.
Рекреативците, главно оние кои спортуваат, коментираат дека нема култура на добро однесување како во некои други земји, а малкумина, пак, на нивните деца им укажуваат дека тоа е заедничко и не треба да се уништува.
Кејот на Вардар заслужува да биде вратен во својата полна слава и повторно да стане место на гордост за сите скопјани. Повикуваме на одговорност и посветеност од страна на локалните власти во исполнувањето на нивните обврски кон граѓаните, особено сега во пресрет на локалните избори 2025, реагира јавноста.