Екс министерот за внатрешни работи Љубомир Фрчкоски во видео што го пренесува порталот ,,Социјална свест” зборува за присуството на ЦИА во Скопје во периодот на независноста на Македонија.
Фечкоски вели дека соработката со ЦИА била многу важна за Македонија.
За ЦИА биле многу важни информациите што ги добивала од македонските офицери во ЈНА кои според Фрчкоски биле исклучително корисни за војната во Босна и за спречување на Милошевиќ да развие уште поголем хаос во екс Југославија.
Фрчкоски надвор од етиката на разузнавачките служби во интервјуто открива конкретно лице кое соработувало со странска служба, во случајов ЦИА.
Екс министерот отворено зборува за екс шефот на воената разузнавачка служба
Драган Стојмановски, познат под прекарот „Млекце“.
Млекце е личност која се поврзува со македонската безбедносна сфера во периодот на 1990-тите години.
Овој висок офицер на екс тајните служби на екс Југославија е главен актер во аферата „Сина птица“
Во јавните обвинувања од тој период, тој е посочуван како дел од структурите на тогашната УДБА (Безбедност и разузнавање) и близок соработник на одредени политички и разузнавачки фигури.
,,Сина птица” е афера која изби во 1992 година кога во јавноста, Службата за државна безбедност беше обвинета дека се обидела да формира паравоена формација во рамките на ВМРО-ДПМНЕ за да се компромитира истата како демократска политичка партија.
Аферата го добива името според хотелот „Сина птица“ каде што бил одржан состанок помеѓу претставници на секција во ВМРО-ДПМНЕ и претставници на МВР и АРМ, на тема состојбите во Република Македонија.
,,Млекце” беше човекот кој во јавноста се поврзуваше со организација на овој случај.