Некогашниот премиер Љупчо Георгиевски во мисија да ја збогати науката со „македонскиот парадокс“?!
„Македонски логички парадокс!
-Македонците се најголеми титови југословени.
-Србите се најголеми негатори и критичари на титова југославија.
-Македонците се најголеми фанови на Србите.
Логиката како наука има дефинирано повеќе типови на логички парадокси крајно време е да ја збогатиме науката со македонскиот парадокс“, вели лидерот на ВМРО-Народна партија во полуписмена објава на Фејсбук, во која Србите ги пишува со голема почетна буква, наспроти Југославија и Југословени…
На што го темели, пак, ставањето на сите Македонци во ист кош (протитовски/пројугословенски/просрпски) не објаснува поранешниот „потпретседател на претседателот“, во случајот Киро Глигоров (а не на државата Република Македонија).