Македонија

Гласна реакција на Арифи околу извиците „Гасна комора за Албанците“ и „Смрт за Албанците“, но „заглушувачка тишина“ за „Велика Албанија“ и „Илирида“

Секое недозволиво нарушување на јавниот ред со етничка мотивација и секакви неприфатливи етнички навреди од кого било кон кого било треба да бидат третирани исто и принципиелно, а не со различно етничко гледање врз нив, зависно од етникумот на кого му се припаѓа

„Минатата недела за време на спортски натпревар во Куманово салата беше исполнета со скандирања на омраза: ‘Гасна комора за Албанците’, ‘Смрт за Албанците’. Говорот на омраза создава лажно чувство на супериорност кај некои и огорченост и исклучување кај други. Тоа нè влече назад во калта на шовинизмот и етничката омраза. Ние сме и заглавени во одбивањето да ги исполниме нашите основни обврски, како што е вклучувањето на бугарското малцинство во Уставот.“ – наведува д-р Беса Арифи, професорка во Правниот факултет на Штуловиот универзитет во Тетово, во својата колумна со наслов „Отровот на омразата“, која ја објави информативниот портал на албански јазик „Порталб“. Невообичаено е што во вакво јавно истапување во врска со деликатна и чувствителна тема, која има голем одраз врз меѓуетничките односи во Македонија, професорката Арифи се произнесува со енергична осуда само на инцидентот во   Куманово, но го одмолчува вториот инцидент во Скопје кога  голема толпа на навивачи – „Балисти“  во „хорски стил“ извикуваа „Велика Албанија“ и „Илирида“. Секое недозволиво нарушување на јавниот ред со етничка мотивација и секакви неприфатливи етнички навреди од кого било кон кого било треба да бидат третирани исто и принципиелно, а не со различно етничко гледање врз нив, зависно од етникумот на кого му се припаѓа. Професорката Арифи и манипулира со јавноста, кога тврди дека премиерот Христијан Мицкоски не изреагирал со осуда. „Го осудувам ксенофобичното и националистичко скандирање на на кошаркарскиот натпревар меѓу Македонија и Романија.“ – кажа јасно и гласно премиерот Мицкоски.  Значи, не е точно дека „немало никаква осуда.“, туку „имало само заглучувачка тишина“. „Заглушувачка тишина“ се „слуша“ токму од оваа колумна на Беса Арифи во врска со тешките националистички провокации од великоалбански позиции, нацелени и кон територијалниот интегритет на Република Македонија. Дилема е и од кои причини колумнистката се решила „критички“ да проговори во истиот текст и за „одбивањето да ги исполниме нашите основни обврски, како што е вклучувањето на бугарското малцинство во Уставот“. Од свои одредени причини Беса Арифи става Албанци и Бугари во некаква „заедничка рамка“, меѓутоа засега не е јасно зошто постапува така… Но, „Експрес“ ја пренесува изворно и професионално коректно оваа колумна, за да ѝ се овозможи на јавноста увид во тврдењата на д-р Арифи, пласирани во неа.

Беса Арифи пишува: Минатата недела за време на спортски натпревар во Куманово салата беше исполнета со скандирања на омраза: „Гасна комора за Албанците“, „Смрт за Албанците“. Ова не се зборови што припаѓаат во спортска сала. Тие не припаѓаат во ниту едно граѓанско општество. Сепак, тие беа кажани, како што беа кажани претходно и како што се кажуваат повторно, гласно, јавно, во присуство на избрани функционери како премиерот и градоначалникот на Куманово, кои стоеја таму, аплаудираа и се насмевнуваа. Без никаква осуда. Без никакво извинување. Само тишина. Таа тишина беше оглушувачка.

Го посетив Дахау. Со свои очи видов како изгледа гасна комора. Тоа е ладно, морбидно, шокантно место, сведоштво за систематското убиство на невини луѓе, само затоа што биле различни. Да се споменуваат гасните комори во 2025 година, и тоа да се прави со ентузијазам против вашите сограѓани, не е само злосторство на зборови, туку е злосторство против нашата колективна меморија. Против човештвото.

Говорот на омраза не е само зборови. Тој е оружје. Ранува, дели, радикализира. Создава лажно чувство на супериорност кај некои и огорченост и исклучување кај други. Го труе духот на коегзистенцијата и нè остава скршени. И секој пат кога мислиме дека сме се придвижиле напред како општество, таков момент нè влече назад во калта на шовинизмот и етничката омраза.

Додека ние продолжуваме да се мразиме едни со други, светот оди напред. Албанија, некогаш поврзана со нас на патот кон европската интеграција, постигнува голем напредок на патот, по кој мислевме дека никој од нас не може да оди. Ние, напротив, сме заглавени во одбивањето да ги исполниме нашите основни обврски, како што е вклучувањето на бугарското малцинство во Уставот. Се саботираме самите себеси во име на празни слогани и лажна гордост.

Косово, и покрај сите предизвици, ни покажува друг пат. Погледнете го фестивалот „Сан Хил“, настан што ги зближува луѓето од целиот свет преку уметност, култура и коегзистенција. Додека ние повикуваме на смрт, тие танцуваат за живот. Додека ние врескаме едни на други, тие пеат заедно.

С.Македонија би можела да биде најдобриот пример за мирна коегзистенција, за тоа што може да биде мултиетничко општество. Но, ние стануваме пример за спротивното. Стануваме земја каде што омразата е посилна од надежта, каде што поделбата е почеста од дијалогот и каде што молчењето пред злото станува норма. Таквата реалност може да се промени, но потребна е храброст, особено од оние на власт. Да излезат и да кажат: Ова не сме ние. Ова не сакаме да бидеме.

Затоа што ако не го сториме тоа, не само што го губиме патот кон Европа, туку ја губиме и нашата душа и се оддалечуваме сè повеќе и повеќе не само од Европа, туку и од тоа да бидеме луѓе. – тврди универзитетската професорка Беса Арифи во оваа колумна.

 

 

Најнови вести од: Македонија

Мицкоски во Берлин на собир на ,,Коалицијата на волните”

Премиерот Христијан Мицкоски, заедно со министерот за надворешни работи и надворешна трговија Тимчо Муцунски, денеска во Берлин учествуваше на состанокот на Коалицијата на волните посветен на актуелната состојба во Украина и напорите за постигнување мир

АмЧам: Реформите, иновациите и меѓународните стандарди предуслов за подобра здравствена заштита

Американската стопанска комора во Македонија е акредитиран член на Стопанската комора на Соединетите Американски Држави и на мрежата на Американски стопански комори во Европа, организација која претставува 49 Американски стопански комори од 47 земји во Европа и Евроазија.

Велјановски до опозицијата: Не може да се заборави како ја пљачкавте државата

На денешната собраниска седница на Комисијата за финансирање и буџет каде се дискутираше Предлог-Буџетот за 2027 година, пратеникот од ВМРО-ДПМНЕ, Александар Велјановски, кажа дека и покрај долговите наследени од претходната влада, предводена од СДС, кои се тежок товар за државата, оваа Влада предводена од ВМРО-ДПМНЕ ќе продолжи со силни инвестиции, со работа на фискална консолидација, но и со зајакнување на здравствената и социјалната заштита на граѓаните.

Ристески: Клучен приоритет на Владата е да ги задржи младите во Македонија

Законот за сезонски работници што е во сила од 1 јануари 2026 година, сѐ уште не ги дава очекуваните резултати, но ова не е закон направен за една година. Затоа организираме информативни средби и настани со помош на медиумите, стопанските комори, работодавачите и синдикатите – за да ги анимираме луѓето дека пензионери, студенти, оние кои сакаат дополнително да работат и сите категории невработени лица можат да го искористат, без притоа да го изгубат стекнатиот статус, да имаат комплетно пензиско и здравствено осигурување, фер ангажман, платен работен час колку што се ангажирани дополнително и со тоа да остварат дополнителни приходи – рече денеска заменик-министерот за економија и труд, Марјан Ристески.

Општина Охрид ги засилува активностите за затворање на депонијата „Буково“ и воспоставување нов систем за комуналниот отпад

Завршена е постапката за избор на проектант за изработка на техничката документација за затворање на нестандардната депонија „Буково“, а во тек се и активностите за изградба на претоварна станица кај Мауцкер и собирен центар во Охрид. Претоварните станици и Регионалниот центар за управување со отпад во Новаци се очекува да бидат функционални во 2030 година. Ова беше истакнато на денешната средба во Општина Охрид, посветена на новиот Регионален план за управување со отпад и воспоставувањето интегриран систем за Југозападниот и Пелагонискиот плански регион.

Зафировски за признанието на Михаилова за ДАНС: Ова е бугарска пародија, во која самата се излаја за поврзаноста со тајните служби

Срамота и давање автогол, бугарска пародија во која Ива Михаилова самата недоветно се излаја за улогата на тајните служби и бугарската ДАНС во целиот нејзин „случај“, посочи безбедносниот аналитичар Воислав Зафировски во „За македонските работи“ со Љупчо Цветановски. Недораснато дете кое избрза и искрено си кажа се што треба и не треба, класичен автогол во полза на Македонија за случај кој беше поддржан и од највисоките бугарски функционери.

Најнови вести

To top