Рубин Земон добива силна поддршка на Фејсбук по поднесената оставка
По поднесената оставка од Извршниот одбор на СДСМ, поради реакциите на неговите изјави поврзани со Гоце Делчев и фотофрафијата со буграските негатори на Македонците од ФондацијатаМакедонија, на Фејсбук профилот на Рубин Земон пристигнуваат бројни коментари со поддршка.
Многу граѓани го охрабруваат да не се повлекува, го нарекуваат храбар и принципиелен, а дел од нив директно бараат негово враќање во партиските структури.
Коментарите често содржат пораки како „Не се откажувај“, „Ти си потребен“, „Поддршка за Рубин“ и слични изрази на солидарност.
Меѓу тие што го поддржуваат е и познатиот новинар Бранко Тричковски.
,,Не се повлекувај, бе, купи си аутан или посади рузмарин во дворот, тоа ќе те спаси од комарците на вмро, а ти ќе можеш да ја продолжиш борбата до победата. Не ја спуштај вербата во својата вредност и својата моќ”, му пишува Тричковски на Земон.
Јавноста на социјалните мрежи покажува поделени мислења околу контроверзата, но кај поддржувачите на Земон преовладува ставот дека неговата оставка е непотребна и дека тој треба да продолжи активно да се ангажира во политичкиот и општествениот живот.
Оваа реакција на Фејсбук доаѓа само неколку дена откако Земон, познат етнолог и поранешен пратеник, ја објави одлуката за повлекување, што предизвика лавина од реакции и во медиумите и кај граѓаните.
Дали поддршката ќе влијае на неговата конечна одлука, останува да се види.
Оставката да не се прифаќа. Голема загуба за СДСМ е негово одење од ИО, вели еден член на партијата.
Кој му пресуди на функционерот на СДСМ
Кој е Виктор Стојанов? Бугарскиот провокатор кој „му пресуди“ на Рубин Земон (ВИДЕО)