„За прв пат во Кичево новогодишната ноќ ја дочекавме заедно сплотени, насмеани и исполнети со надеж и покрај значително студеното време. Ова не беше само прослава, туку почеток на една нова традиција, која ќе ја негуваме и ќе ја правиме уште поголема и уште подобра, поорганизирана.“ – објави градоначалникот на Кичево Александар Јовановски на својот фејсбук-профил по дочекот на Новата 2026 година во Кичево.
Преку општествената мрежа Јовановски истакнува: Упатувам срдечна благодарност до сите учесници на спектакуларната вечер, музички уметници и луѓето, кои професионално си ја завршија работата околу техничката подготовка на целиот настан.
Кичево продолжува да живее со многу позитивна енергија.
Мои сограѓани, заедно продолжуваме напред!
Среќна и бериќетна да ни биде Новата 2026-та година, исполнета со многу здравје, среќа, љубов и благосостојба во секој дом!