Тринаесет години по почетокот на изградбата, храмот „Свети Константин и Елена“ на улица „Македонија“ во Скопје конечно ќе блесне во полн сјај на 28 септември, кога ќе биде осветен.
Светата литургија, која ќе почне во 8:30 часот, ќе ја изврши архиепископот охридски и македонски, г.г. Стефан., во сослужение со архијереи на Македонската православна црква – Охридска архиепископија.
Првобитниот храм бил граден пред и по Првата светска војна, а бил осветен во 1926 година. Во земјотресот во 1963 година црквата имала оштетувања, кои не биле сериозни за да биде урната, но на почетокот на 1970-тите храмот бил миниран за да се изгради Градскиот трговски центар.
Возобновувањето требаше да се направи на оригиналната локација на плоштадот „Македонија“, но по реакцијата и протестите од муслиманите и од разни „архибригади“, „гушкачи на ГТЦ“, атеисти итн., храмот е „преместен“ спроти Домот на Армијата на Република Македонија.