И по три недели нема ни трага од 52 годишниот Илија Танчев од Бугарија кој исчезна додека нуркал во водите на Охридското езеро на длабочина од 89 метри. Ова ја неметнува дилемата колку е безбедно да се нурка на оваа длабочина и дали бугарскот нуркач се впуштил во крајно ризична авантура? Охридското езеро не е едноставно за нуркање,туку доста специфично,посебно на големите длабочини.Од друга страна,во нуркањето постојат правила и протоколи кои мора да се почитуваат вели охриѓанецот Горан Балев кој со децении се занимава со овој екстремен спорт.
Иако езерото е изразито провидно, на големи длабочини над 70 метри температурата на водата е околу 7 степени што создава физиолошки проблеми во телото и поинакви хипервентилации.Нуркањето е комплексна наука,потенцира Балев.Тој се сомнева дека телото на нуркачот воопшто ќе биде пронајдено без меѓународна помош и соодветна опрема.Македонија вели тој,има исклучително подготвени нуркачи како во клуповите така и во полицијата и војската, но проблем е опременоста.
“И да имаме знаење, треба опрема не можете вие без адекватна опрема да слезете на таа длабочина.Само да слезите е проблем, а тек да пребарувате давеник е изразито тешка и специфична работа.Било какво вака барање со компримиран воздух со нешто што не е спремно мислам дека ќе се направи преголем ризик и за екипата која го пребарува.По мене треба да се побара помош од надвор” –вели Балев
До сега бил направен обид да се лоцира телото со сонар,од полицијата велат дека се трага по исчезнатиот нуркач.