Македонија

Идната недела Лидерска средба ЕУ-Западен Балкан во Скопје

Во понеделник е планирана тет-а-тет средба помеѓу премиерот Христијан Мицкоски и еврокомесарката Марта Кос   Скопје  ќе биде домаќин на лидерската средба Европска унија – Западен Балкан, посветена на спроведувањето на Планот за раст за регионот. На средбата ќе присуствува и еврокомесарката за проширување Марта Кос. Од Владата информираат дека во понеделник е планирана тет-а-тет […]

Во понеделник е планирана тет-а-тет средба помеѓу премиерот Христијан Мицкоски и еврокомесарката Марта Кос

 

Скопје  ќе биде домаќин на лидерската средба Европска унија – Западен Балкан, посветена на спроведувањето на Планот за раст за регионот. На средбата ќе присуствува и еврокомесарката за проширување Марта Кос.

Од Владата информираат дека во понеделник е планирана тет-а-тет средба помеѓу премиерот Христијан Мицкоски и еврокомесарката Кос, по која ќе следи билатерална средба со проширени делегации од двете страни.

Главниот дел од агендата е закажан за вторник, кога ќе се одржат два панела. Првиот ќе биде фокусиран на Планот за раст за Западен Балкан, а обраќања ќе имаат премиерот Мицкоски и еврокомесарката Марта Кос. По панелот е предвидена заедничка прес-конференција.

Вториот панел ќе биде насочен кон конкретните механизми за поддршка и спроведување на Планот за раст, каде што ќе учествуваат министри од регионот, претставници на Европската унија, регионални организации и меѓународни партнери.

Како што потврди Европската комисија, на средбата во Скопје, покрај премиерот Мицкоски, ќе учествуваат и лидерите на Албанија, Босна и Херцеговина, Косово, Србија и Црна Гора.

Најнови вести од: Македонија

(Видео): Вози како да е нормално во спротивна насока среде Партизанска – автомобилот и покрај се продолжува да вози

На видеото се гледа како возачот ја намалува брзината додека се разминува со два автомобили, а потоа повторно забрзува. Се очекува МВР да соопшти дали прекршокот е регистриран преку „Безбеден град“.

Од пад од 5% до раст од 5,2% – СДСМ да ги погледне статистичките податоци за платите, велат од ВМРО-ДПМНЕ

ВМРО-ДПМНЕ се повика на податоците на ДЗС според кои просечната нето-плата во септември изнесувала 49.141 денар, со номинален годишен раст од 8,1 отсто и реален раст од 5,2 отсто. Во септември 2022 година реалната нето-плата бележела пад од пет проценти.

To top