Македонија

ИЈЗ: Нема загадување со тешки метали на почвата во Трубарево

Денес, на 16 септември 2025 година, ИЈЗ ги заврши анализите на примероците за присуство на тешки метали во почвата и испитувањата за радиоактивност во водата.

2 минути за читање

Институтот за јавно здравје (ИЈЗ) спроведе вонредно испитување во засегнатото подрачје, при што во неделата, на 14 септември 2025 година, професионален експертски тим зеде примероци од вода, почва и воздух за анализа на радиоактивност, како и мостри за испитување на присуство на тешки метали во почвата и водата.

Вчера, на 15 септември 2025 година, ИЈЗ објави дека врз основа на извршените анализи, во земените примероци не е утврдено присуство на радиоактивност во воздухот и почвата, ниту пак присуство на тешки метали во водата.

Денес, на 16 септември 2025 година, ИЈЗ ги заврши анализите на примероците за присуство на тешки метали во почвата и испитувањата за радиоактивност во водата. Според добиените резултати, ИЈЗ известува за следново:

Земени се мостри од повеќе локации во засегнатото подрачје за анализа на тешки метали во почвата, вклучувајќи ги: олово (Pb), кадмиум (Cd), арсен (As), никел (Ni), жива (Hg), хром (Cr), бакар (Cu), цинк (Zn), калај (Sn), бариум (Ba), берилиум (Be), кобалт (Co), ванадиум (V), талиум (Tl), молибден (Mo) и антимон (Sb).

По деталната анализа на сите примероци, утврдено е дека нема отстапувања од референтните вредности за ниту еден од 16-те испитувани тешки метали (Pb, Cd, As, Ni, Hg, Cr, Cu, Zn, Sn, Ba, Be, Co, V, Tl, Mo, Sb). Забележано е благо зголемување на нивоата на бакар (Cu) и цинк (Zn) само на една локација, во површинскиот слој каде што гореле литиумски батерии, што е во рамките на очекуваните резултати. На сите други локации, вредностите на испитуваните тешки метали се во согласност со референтните стандарди.

Дополнително, анализите на примероците од вода за радиоактивност, завршени денес, покажаа дека нема присуство на радиоактивност во водата.

ИЈЗ успеа во најкраток можен рок да ги спроведе сите потребни анализи. Овие испитувања ќе бидат повторени во согласност со утврдените протоколи во предвидениот период. Институтот продолжува да соработува со Министерството за здравство и другите надлежни институции, а јавноста ќе биде навремено информирана за сите идни активности и резултати.

Поврзани теми:

избор|ИЈЗ|загадување|Трубарево|почва

Повеќе на оваа тема:

Најнови вести од: Македонија

ИНА: Таравари и Ле Риголер потврдија дека само спроведувањето на преговарачката рамка и уставните амандмани е пат кон преговорите со ЕУ

„Еден од лидерите на коалицијата Национална алијанса за интеграција (НАИ) и претседател на Алијансата за Албанците Арбен Таравари вчера, на 17 ноември 2025 година одржа многу важна и продуктивна средба со францускиот амбасадор Кристоф Ле Риголер во француската амбасада.“ – објави информаивната агенција на албански јазик Илирија-ИНА.

Алиу: Одлуката за можна ротација на министерските ресори ќе зависи од лидерите на политичките партии

„Прашањето дали Вреди ќе добие еден член повеќе, или ќе остане со шестмина во Владата, е  дел од преговорите меѓу владините партнери.“ – истакна Азир Алиу, министерот за здравство од крилото на Алијансата на Албанците, што остана во Владата, вечерва во интервју за „360 степени“ на Првата програма на Македонската радиотелевизија.

Советникот од Карпош на СДСМ Радослав Трошановски, повеќе нема да е член на партијата

Нов претседател на Советот на Општина Карпош е Христо Саракинов од ВМРО-ДПМНЕ. Неговиот избор беше помогнат со гласовите на по еден советник од ГРОМ и од СДСМ, Зоран Краљевски и Радослав Трошановски.

Силниот ветер спречи два авиона да слетаат во Скопје, пренасочени се кон Приштина

Поради временските услови, два авиони не можеле да слетаат и во моментов кружат над градот додека чекаат нови инструкции. Дополнително, уште два лета биле пренасочени кон аеродромот во Приштина. Како што информираат од ДЗС, ветерот е најсилен на поголема височина, што го прави слетувањето небезбедно и го отежнува приодот на авионите кон скопскиот аеродром.
Сите вести од Македонија

Најнови вести

To top