Македонија

Има пари за пензии, велат Фондот на ПИОМ – никој да не подлегнува на политички шпекулации

Во изминатата година пензиите беа покачени за 6.000 илјади денари линеарно за секој пензионер и со тоа просечната пензија од 21.000 денари во септември 2024 се покачи на 27.000 денари во септември 2025 година, додава Фондот.

2 минути за читање

Исплатата на пензијата за ноември почна од вчера во банкитеи ќе заврши во понеделник на 1 декември 2026 година, реагира Фондот за пензиско и инвалидско осигурување на Македонија на прес-конференцијата на претседателот на СДСМ, кој  рече дека е неизвесно дали ќе има зголемување на пензиите во следниот период и дали воопшто ќе има исплата на редовни пензии следните месеци. Фондот на пензиското и инвалидското осигурување информира дека исплатата на пензиите не е доведена во прашање, бидејќи Владата ја гарантира.

Не треба да има никаков сомнеж или страв дека ќе нема пензии. Фондот на ПИОМ во координација со Владата исплатата на пензиите ја врши секој први во месецот и истото ќе продолжи да го прави и во 2026 година, се вели во соопштението.

  • „Шпекулациите кои се пласираат од страна на СДСМ дека е загрозена исплатата на сегашните и на идните пензии се неосновани и служат единствено за вознемирување на пензионерите и на граѓаните. Неодговорно е да се тврди дека исплатата на пензиите е доведена во прашање, кога веќе се знае дека буџетот на Фондот на ПИОМ за наредната 2026 година е речиси 151 милијарда денари за исплата на пензии (2 и пол милијарди евра), за здравственото осигурување на пензионерите, како и за транзициските трошоци кон трите пензиски друштва од вториот столб“, соопшти Фондот.

Во изминатата година пензиите беа покачени за 6.000 илјади денари линеарно за секој пензионер и со тоа просечната пензија од 21.000 денари во септември 2024 се покачи на 27.000 денари во септември 2025 година, додава Фондот.

  • „Покачувањето и линеарното усогласување на пензиите во изминатата година се во насока на подобрување на животниот стандард на пензионерите и намалување на влијанието на инфлацијата. Овие мерки на Владата се особено насочени кон подобрувањето на финансиската состојба кај пензионерите со најнизок износ на пензии. Фондот на ПИОМ укажува дека пензионерите, но и граѓаните не треба да подлегнуваат на политички шпекулации и информации кои се пласираат од политичките партии во опозицијата, а се со цел да ги вознемират и да ја нарушат довербата во Фондот како институција која со децении својата должност ја извршува навремено и професионално“, се вели во реакцијата.

Поврзани теми:

пари|исплата|топ|пензионери|пензии|ПИОМ

Повеќе на оваа тема:

Најнови вести од: Македонија

Анализа: Високи казни за граѓаните и фирмите до 4.000 евра предлага новиот закон за заштита од пушење

Дали новите правила на игра и построгите мерки ќе го заштитат здравјето или ќе го загрозат бизнисот, останува да видиме. Надлежните уверуваат дека стравовите од затворање кафулиња и локали се неосновани и дека станува збор за европски, а не рестриктивен закон, чија цел не е казнување, туку превенција и заштита на јавното здравје. Новиот закон за заштита пушењето кој се очекува да стапи во сила од 1 март.

Турчинот Кадир Кара осуден на 17 години затвор за убиството во Штип

Tурскиот државјанин Кадир Кара е осуден на 17 години затвор за убиството на турски студент во кафуле на плоштадот во Штип. Кара ја призна вината, додека судењето за четворицата обвинети за помагање продолжува во Основниот суд во Штип.

Започна Вевчанскиот карневал: на сцена маските, сатирата, зетот, невестата, двата ѓавола и Глупавиот Август

Маскирани, вевчанци, на сатиричен начин, зачувувајќи ја речиси 15-вековната традиција, ги прикажувaат случувањата од изминатата година во јавниот и политичкиот живот во Македонија и во светот.

Лидерска средба утре во Клубот на пратениците за реформските закони, укинување на „Пржинската влада“ и други актуелни политички теми

Во Клубот на пратениците утре ќесе одржи лидерска средба на премиерот и претседател на ВМРО-ДПМНЕ, Христијан Мицкоски со претседателите на парламентарните партии кои имаат пратенички групи во Собранието, на која, како што е најавено, ќе се разговара за реформските закони од правосудството, за изборот на народен правобранител, за Изборниот законик и за укинување на техничката влада, но и за други прашања на предлог на учесниците на средбата.

Истрага против П.С.(39) од Богданци, откако ја убил сопствената мајка на монструозен начин, со бодење со нож и ножици до искрвавување

На 12.01.2026 во Полициската канцеларија Богданци полициски службеници од СВР Струмица-ОВР Гевгелија го лишија од слобода П.С.(39) од Богданци. На 11.01.2026 околу 21:00 часот во стан во кој престојувале дошло до расправија меѓу П.С. и неговата мајка М.С.(58) од Богданци, која преминала во физичка пресметка во која П.С. со остри предмети и нанел убодни рани на М.С. во пределот на главата. Од здобиените повреди М.С. починала, а смртта е констатирана и од лекар од Итна медицинска помош Гевгелија. На 12.01.2026 година во 07:05 часот во Полициската канцеларија Богданци П.С. сам го пријавил делото. Увид на местото изврши јавен обвинител од Основното јавно обвинителство Гевгелија и екипа од ОВР Гевгелија.

Владиката Агатангел во 2024: Цариградската патријаршија и Вартоломеј ли ќе ни наложуваат име на Македонската православна црква – Охридска архиепископија?!

„Верниот и богољубив македонски православен народ активно се црквува во Автокефалната Света Македонска православна црква – Охридска архиепископија. Народот си ја доживува Македонската православна црква – Охридска архиепископија како своја духовна мајка.“ – има наведено владиката Агатангел во своја колумна во 2024 година.

Двајца браќа од Тетовско прелажани за странска пензија – останале без 15.000 евра

Двајца постари мажи од Тетовско наивно верувале на ветувања и на измамник му дале 15.000 евра. Потпишувале бланко листови хартија, бланко полномошно и непополнети уплатници – оти така им кажал измамник што им ветувал странски пензии. Останале со празни раце!

„Н.М“: Споменувањето на МПЦ-ОА како „северномакедонска црква“ во литургијата на Даниил и Вартоломеј е отсекување на милениумите на македонскиот идентитет и црковните традиции!

„Таквиот потег на Даниил и Вартоломеј фрла сенка врз историската и националната легитимација. Наместо да ја афирмира МПЦ-ОА  како наследник на една од најстарите институции на словенското христијанство, таквата формулација ја сведува на симбол без длабоки корени, како дрво отсечено од својата почва. Со формулацијата „црква од Република Северна Македонија“, која ја користеше вселенскиот патријарх Вартоломеј, уште поопасно за нас, се фалсификуваат два милениума христијанство во Македонија, се сече едната и единствена црковна врска меѓу Светипавловата и Светиклиментовата црква, кои се неизбришливо втемелени во МПЦ-ОА. Но, името на МПЦ–ОА денес не е само предмет на богословска и канонска дискусија, туку и поле на борба за признавање, легитимитет и духовна самостојност на македонскиот народ. Во него се вкрстуваат идентитетот на македонскиот народ, неговото право на сопствена црковна традиција, како и историската должност да се зачува споменот на Охридската архиепископија како еден од најсветлите столбови на православието. – се нагласува во анализата на весникот „Нова Македонија“ со наслов „Цариградските камбани сѐ погласно бијат за некаква ‘северномакедонска црква“!?“.
Сите вести од Македонија

Најнови вести

To top