Натаму агенцијата наведува: Податоците од Pratenici.mk покажуваат и на големи разлики во активноста на пратениците во Собранието во текот на првата половина од 2025 година. Пратеникот на ВМРО-ДПМНЕ Бојан Стојановски, бил најактивен во парламентарните дискусии, со вкупно 21 дискусија. По него следува Сали Мурати од Движењето на Турците со 18 дискусии, додека Јованка Тренчевска од СДСМ, Амар Мециновиќ и Реџеп Исмаил имаат по 12 дискусии.
Меѓу најактивните пратеници се и Халил Снопче со 11 дискусии, Албана Пашоли и Талат Џафери со по 10, Оливер Спасовски со 9, како и Елми Азири и Тони Јаревски од ВМРО ДПМНЕ со по 8 дискусии.
Платформата покажува дека 45 од 120 пратеници воопшто не се појавиле да дискутираат, за кое било прашање во периодот јануари-јуни 2025 година. Исто така, 78 пратеници од 120 не поднеле никакви прашања, додека 36 пратеници не учествувале во предлагањето амандмани. Во меѓувреме, 13 пратеници не потпишале ниту еден закон.
Податоците претставуваат панорама на парламентарната активност и покажуваат дека учеството и ангажманот на пратениците значително варира, од пратеници со десетици дискусии до оние кои не учествувале во никакви дискусии во анализираниот период, објави ИНА.