Известувањето на клучните медиуми, како што се The Hindu, NDTV и India Today, се фокусира на неколку клучни столбови:
„3Т“ Дипломатија (Трговија, Технологија и Туризам)
Медиумите во Њу Делхи пренесуваат изјави од индиското Министерство за надворешни работи (MEA), посочувајќи дека главниот фокус е ставен на формулата „3Т“ Дипломатија (Трговија, Технологија и Туризам) („3Ts“ — Trade, Technology, and Tourism).
Се известува за силниот интерес за продлабочување на економските врски во приоритетните сектори: земјоделство, фармацевтска индустрија, ИТ сектор и наука. Посебно се потенцира учеството на претседателката Мурму на македонско-индискиот бизнис форум со цел позиционирање на Македонија како „порта“ за индиските бизниси кон поширокиот регион на Источна Европа
Политички средби и стратешко партнерство
Телевизиските куќи како DD India широко ги емитуваа кадрите од пречекот на претседателката Мурму во Вила Водно од страна на македонската претседателка Гордана Сиљановска-Давкова со највисоки државни и воени почести.
Медиумите ја пренесуваат најавата за дуплирање на стипендиите и слотовите за обука во рамки на индиската програма за техничка и економска соработка (ITEC) за македонски кадри, вклучително и специјализирани курсеви за Вештачка интелигенција (AI). Потенцирана е поддршката за зачленување на Македонија во меѓународните иницијативи предводени од Индија, како што е Меѓународниот соларен сојуз (ISA).
Културни и историски врски
Како посебен емотивен и симболичен елемент во извештаите се издвојува заедничкото откривање на бистата на Махатма Ганди во Скопје, подарок од индискиот народ.
Голем број на статии од The Hindu Business Line и ETV Bharat потсетуваат на ликот и делото на Мајка Тереза, која е родена во Скопје, а го помина својот живот служејќи во Калкута, Индија, како најсилна хумана врска меѓу двете нации.
Индиските медиуми јавуваат и за оддавањето почит на гробот на Гоце Делчев во црквата „Св. Спас“.
Генералниот заклучок во индискиот медиумски простор, поддржан од државната прес-служба PIB India, е дека оваа посета отвора „ново поглавје“ во надворешната политика на Индија кон Балканот и градењето соработка со средни и помали европски држави надвор од традиционалните големи партнерства. Може да се извлече сопствен заклучок, врз основа на многубројните извештаи од индиските медиуми, но и уште повеќе врз основа на официјалните индиски ставови: Република Македонија не е нималку случајно со посебно место и улога на тој индиски список на држави од Балканот и Европа!