Македонија

ИСОС првпат на глобалната конференција за сметководствени стандарди

По 13 години ги преведе меѓународните сметководствени стандарди

2 минути за читање

На покана на Фондацијата IFRS Лондон, Институтот на сметководители и овластени сметководители (ИСОС) за првпат ја претставуваше Македонија на глобалната конференција „Глобални поставувачи на стандарди“ (World Standard-setters Conference), организирана од страна на оваа реномирана глобална фондација.

Конференцијата, која важи за најпрестижен светски настан посветен на меѓународните сметководствени стандарди, обедини повеќе од 130 делегати од 70 држави од Европа, Азија, Африка, САД и Австралија. Учеството на делегацијата на ИСОС беше поздравено како посебно достигнување, со оглед на тоа што по 13 години, ги преведе меѓународните сметководствени стандарди (МСФИ) и тие можат да се имплементираат, што претставува чекор кој значително ја позиционира сметководствената професија во меѓународни рамки и ја зајакнува транспарентноста и довербата во финансиското известување во нашата земја. Конференцијата беше фокусирана на имплементација на стандардите и размена на искуства, како и на најновите глобални трендови и промени во МСФИ.

„Присуството на оваа конференција не е само чест, туку и потврда дека ИСОС и државата направија важен чекор кон приклучување кон глобалната заедница на сметководствени професионалци. Учеството на иста маса со највлијателните креатори на стандарди е признание за нашата работа, но и обврска да продолжиме да го унапредуваме квалитетот и транспарентноста на финансиското известување. Веруваме дека ова е темел врз кој ќе градиме посилна професија и поконкурентна економија“, истакна Весна Прентоска, претседателка на ИСОС.

Претставниците на ИСОС остварија средба и со менаџментот на Фондацијата IFRS на која се дискутираа можности за понатамошна соработка во делот на едукација и следење на новините. Со преводот на новите МСФИ, компаниите во земјава повеќе немаат обврска за двојно известување, што резултира со пониски трошоци и ефикасно управување. Улогата на МСФИ стандардите беше нагласена како мисија од јавен интерес и предуслов за долгорочна финансиска одржливост, бидејќи носат поголема јасност и споредливост во извештаите и овозможуваат предвидливост во деловното планирање. ИСОС ќе ја продолжи соработката со Фондацијата во насока на едукација и поддршка за сметководителите, во согласност со најновите меѓународни трендови.

Инаку, Фондацијата IFRS Лондон е независна, непрофитна организација која ги поставува меѓународните сметководствени стандарди на глобално ниво. Основана е во 1973 година од Австралија, Канада, Франција, Германија, Јапонија, Мексико, Холандија, Обединетото Кралство и Соединетите Американски Држави.

Поврзани теми:

топ|Австралија|сметководители|конференција|Институтот на сметководители и овластени сметководители|Фондација

Повеќе на оваа тема:

Најнови вести од: Македонија

(Видео): Синдикатот за култура со кривична за министерот Љутков – тој пак тврди: Барањата за раст на платите се незаконски

Синдикатот за култура поднесе кривична пријава против министерот за култура, за злоупотреба на службената положба и кршење на правата на вработените. Според претседателката на синдикатот, Вера Атанасовска министерот со инструкции испратени по е-пошта се обидел да ги поткопа правата на вработените и колективните договори. Синдикатот наведува дека повеќе од 800 пријави се поднесени од вработените во културата и дека постојат правосилни судски одлуки во нивна корист.

Николоски од Вашингтон: Разговаравме за економска соработка, енергетската транзиција и изградба на коридори

На средбата со Даниел Лотон, заменик-помошник државен секретар за Европа, беше нагласено силното партнерство меѓу двете земји, засновано на меѓусебна поддршка и споделена посветеност на демократските вредности, како и на создавање подобри перспективи за економска и трговска соработка, соопшти Министерството за транспорт.

Кај судијата Ѓоко Ристов пронајдени судски предмети, кои не ги гибал сѐ до истекување на роковите, најверојатно за да застарат!

Судскиот совет констатира сериозни сомнежи за несовесно и нестручно постапување на судија од Апелациониот суд Скопје, поради неразумно одолжување на судски постапки што довело до апсолутна застареност на предмети. Во извештаите се наведува дека дел од предметите биле чувани во фиока сè до истекување на роковите за кривичен прогон. Иако на седницата не беше јавно посочено името на судијата, досегашните сознанија имплицираат дека е тоа судијата во Апелацискиот суд Ѓоко Ристов. Против него и порано беа поднесувани анонимни претставки до Судскиот совет.

Попов: Македонскиот јазик не е „вештачка конструкција“ и борбата за него не е завршена! Стратегиските партнери треба да помогнат за спорот со Бугарија!

–Официјализирањето на македонската азбука и на македонскиот стандарден јазик не е никаква „вештачка конструкција“, туку логичен тек на долговековниот просторен и временски континуитет на македонскиот јазик и неговите дијалекти на цела територија. Тој има долга историја и особен влог во рамките на групата на словенски јазици и светското јазично семејство. Но борбата за зачувување на македонскиот јазик не е завршена. Таа мора да трае и да продолжи пред меѓународните институции за човекови права бидејќи неговата официјална употреба од страна на деловите на македонскиот народ во соседните земји е оневозможена со преземените обврски со потпишаните меѓународни договори. “ – нагласи Живко Попов, претседателот на Македонската академија на науки уметности, денес во своето годишно обраќање. .

Уставниот суд ги отфрли иницијативите, со кои се оспоруваше уставноста на „Безбедниот град“

Уставниот суд ги отфрли иницијативите да се оспори системот „Безбеден град“, односно дел од одредбите на Законот за прекршоци. Иницијативи со кои се бараше да се оспори „Безбеден град“ поднесоа двата дела на Алијансата за Албанците, предводени од Зијадин Села и од Арбен Таравари, како и студентот Или Пачуку, поради неупотребата на албанскиот јазик во пораките за прекршоци. Забелешката е и за, како што се тврдеше, „спроведувањето на системот само во Скопје, Тетово и во Куманово“, потоа и за обврската за поседување мобилен телефон и интернет-адреса заради доставување на пораките, но и за наводна „селективна примена на Законот и за дискриминација на Албанците“. Со иницијативите се бараше Уставниот суд да ги поништи „спорните“ одредби.

Мицкоски: Зголемен е бројот на странските инвеститори, што се задоволни од бизнис климата во државата и кои се подготвени да ја зголемат својата инвестиција

„За нас странските инвеститори се исклучително важни исто како и домашните инвеститори, бидејќи економијата е една од главните приоритети на функционирањето на оваа Влада, како и сѐ друго, што е составен дел во таа борба за колку е можно подобра економија.“ – истакна премиерот Христијан Мицкоски по работната средба со Советот на странски инвеститори.
Сите вести од Македонија

Најнови вести

To top