Професорката Радица Таскова ја претстави својата втора книга под наслов „90 срца“. Делото содржи 90 приказни кои произлегуваат од лични болки, рани, солзи, таги, разочарувања, но и од моменти на среќа, љубов и надеж.
Според авторката, книгата е создадена од искуства во кои срцето се чинело дека повеќе не може да издржи.
„Се кршеше во тишина, но повторно се составуваше“, наведува Таскова која вели дека од секоја рана останала лузна, од секоја солза – збор, а од секоја болка – приказна.
Таа истакнува дека „90 срца“ не е само литературно дело, туку збирка од 90 гласови кои ја кажуваат својата болка. Книгата е наменета за сите кои некогаш плачеле во тишина, биле повредени, а сепак продолжиле да сакаат, или паднале, но повторно станале. Според авторката, лузните поминале, но спомените останале, а срцата научиле да чукаат поинаку.
„Од болката создадов зборови. Од солзите создадов книга. А од 90 скршени приказни создадов надеж“, напиша проф. Радица Таскова при најавата на изданието.
Целата објава:
🖤 МОЈАТА ВТОРА КНИГА – 90 СРЦА, 90 ПРИКАЗНИ, 90 БОЛКИ
Имав 90 болки.
Имав рани што никој не ги гледаше.
Имав солзи што ги криев зад насмевка.
Имав таги, маки, разочарувања… но имав и среќа, љубов и надеж.
Мислев дека срцето повеќе не може да издржи.
Болеше… многу.
Се кршеше во тишина, но повторно се составуваше.
Од секоја рана остана лузна.
Од секоја солза – збор.
Од секоја болка – приказна.
Затоа мојата втора книга не е само книга.
Таа е 90 срца што проговорија. ❤️🩹
90 гласови што ја кажаа својата болка.
90 приказни во кои можеби некој ќе се препознае, ќе заплаче, ќе се сети на својата рана… но можеби и ќе најде сила да продолжи.
Оваа книга е за сите оние кои некогаш плачеле во тишина.
За оние што биле повредени, а сепак продолжиле да сакаат.
За оние што паднале, но повторно станале.
Лузните поминаа, но спомените останаа.
А срцата? Не се скршија. Само научија да чукаат поинаку.
📖 Мојата втора книга – „90 срца“
✍️ Проф. Радица Таскова
Од болката создадов зборови.
Од солзите создадов книга.
А од 90 скршени приказни создадов надеж.