Mакедонските државјани кои се наоѓаат во Израел засега не можат да бидат евакуирани по воздужн пат откако денеска по иранскит напади, израелските власти забранија летови, соопшти денеска македонската амбасада во Израел.
„ Во моментов нема услови за авионска евакуација преку аеродромот во Тел Авив. Ги информираме граѓаните дека постои алтернативна морска рута од Ашдод до Лимасол (Кипар), преку компанијата „Mano Shipping“, соопштија од Амбасадата.
Можност за заминување од Израел е бродот „Crown Iris“, кој според планираното треба да отплови од Ашдод на 27 јуни (петок) во 12 часот, и има капацитет од 1.500 патници. Картите може да се купат директно преку веб-страницата на „Mano Shipping“.
„Ги повикуваме сите македонски државјани кои немаат валиден пасош да се јават во Амбасадата за издавање на патен лист“, апелираат од дипломатската мисија во Тел Авив.