Градоначалникот на Тетово, Билал Касами, во врска со пожарот во модуларната болница во Тетово, рече дека судиите треба да дејствуваат независно, а не политички, пишува Телеграфи Македонија.
Тој апелираше до судиите и обвинителите да ја третираат суштината на проблемот со модуларната болница, а не да го камуфлираат, „како што се случи со другите случаи, ‘Беса Транс’ и ‘Дурмо Турс’, каде суштината беше да се прикрие вистината“, изјави Касами денес за медиумите.
Касами нагласи дека со доаѓањето на оваа влада, има континуиран обид за реформирање на судскиот систем и на Советот на обвинители, бидејќи тие се на врвот на правосудниот систем.