Македонија

Коцевски е неписмен лажго без грам морални вредности – Хајрулахи со остри зборови за сега веќе поранешниот државен јавен обвинител

Хајрулахи тврди дека под раководството на Коцевски предметите намерно се развлекуваат без цел да се дојде до судска пресуда.

1 минута за читање

Поранешниот виш јавен обвинител Мустафа Хајрулахи, кој неодамна побара престанок на функцијата во Вишото јавно обвинителство, изнесе сериозни обвинувања за состојбите во институцијата, фокусирајќи се на поранешниот републички јавен обвинител Љупчо Коцевски.

Хајрулахи тврди дека под раководството на Коцевски предметите намерно се развлекуваат без цел да се дојде до судска пресуда.

„Ете, Коцевски поднесе оставка – тоа е неговиот карактер. Тој е човек лажго, без ниту грам морални вредности. За мене беше необјасниво како еден таков профил на човек, неписмен и човек кој недоволно го познава македонскиот јазик, може да стаса до оваа позиција. Тој е склон кон секакви наредби дадени од политичките партии. Кога виде дека му се стеснува обрачот, поднесе оставка“, изјави Хајрулахи за мкд.мк.

Тој додава дека својот престанок на функцијата го побарал по повеќе од една година суспензија, која, според него, ја добил од Коцевски под контрола и по налог од поранешните обвинители од Специјалното јавно обвинителство (СЈО).

Овие обвинувања доаѓаат во период на зголемени тензии во правосудниот систем, откако Коцевски поднесе оставка по серија критики и интерпелации.

Поврзани теми:

топ|Љупчо КОцевски|Мустафа Хајрулахи|државен јавен обвинител

Повеќе на оваа тема:

Најнови вести од: Македонија

Кој и зошто му го хакирал мејлот на главниот државен ревизор Максим Ацевски?!

Хакиран бил мејлот на главниот државен ревизор м-р Максим Ацевски, соопшти Државниот завод за ревизија. Можеби е некакво совпаѓање, но Ацевски само еден ден претходно, на 30 јули во интервју за ТВ 24 изнесе дека гостиварското јавно претпријатие „Водовод“ уште од 2007 година работи неодговорно и неефикасно, а неговата сметка во континуитет е блокирана.

Мицкоски за враќањето на пасошот на обвинетиот Марковски: Обвинител во Вишото обвинителство грубо манипулирал, соучесник е во ова, ќе има истрага!

Премиерот Христијан Мицкоски вели дека го следи случајот со враќањето на пасошот на Борче Марковски, обвинет за злоупотреби од страна на Основниот суд во Струга, и посочи дека во него, како што истакна, „има груба манипулација од локален јавен обвинител во Вишото јавно обвинителство, кој е соучесник во овој процес“.

Армијата на Република Македонија доби 53 нови офицери, Мисајловски им порача: Ќе бидете чувари на мирот, стабилноста и безбедноста

Армијата на Република Македонија денеска доби 53 нови офицери на свечената промоција што се одржа на Воената академија „Генерал Михаило Апостолски“. Промовирани беа 36 питомци од 26. класа, 16 слушатели од Курсот за стручно оспособување и усовршување на офицери за службите на Армијата, како и еден питомец, кој дипломирал на престижната Воена академија Вест Поинт во Соединетите Американски Држави.

Јачева- Улчар: Зад посебноста на македонскиот јазик стојат чувствата на македонскиот народ, но и аргументите на европската наука уште пред 120 години!

„Историјата на македонскиот јазик не ја испишувале само Македонците. Во неа своја трага оставиле и некои од најголемите европски лингвисти на своето време. Кога денес зборуваме за македонскиот јазик не смееме да заборавиме дека зад неговата посебност не стојат само чувствата на еден народ. Стојат и научни аргументи изградени многу пред создавањето на современите држави на Балканот. Историјата на македонскиот јазик не треба да се брани со пароли, туку со документи и факти, кои сведочат дека уште пред повеќе од еден век најугледните европски лингвисти го препознале она што денес некои сѐ уште се обидуваат да го негираат.“ – нагласува д-р Елка Јачева – Улчар, професорка во Институтот за македонски јазик „Крсте Мисирков“, во својата објава на фејсбук со наслов „За посебноста на македонскиот јазик“.
Сите вести од Македонија

Најнови вести

To top