СДСМ и медиумите кои денеска почнаа медиумска хајка против кандидатот за градоначалник на Скопје од ВМРО-ДПМНЕ може да се разочараат кога ќе видат дека догодина сепак познатиот светски музички концертен бренд EXIT може да има свое македонско издание.
По прес конференцијата на СДСМ на која Орце Георгиевски беше обвинет дека лаже за доаѓање на EXIT, а повеќе медиуми ја шират тезата дека идниот градоначалник на Скопје манипулира, реалноста може да ја разочара Бихаќка и нивните медиумски сателити.
Медиумите блиски на СДСМ кои го прнесоа соопштението на EXIT во кое се вели дека фестивалот не се сели од Нови Сад во Скопје, не ја разбрале суштината на соопштението.
EXIT во соопштението не вели дека нема да има фестивал во Скопје, туку дека не го сели Новосадскиот фестивал во Македонија. Фестивалот никаде не вели дека дека во Скопје нема да има концерти од овој бренд.
Последните информации од седиштето на EXIT до кои неофицијално дојде expres.mk велат дека догодина Скопје ќе биде домаќин на еден од најпознатите светски концертни брендови и на десетина сцени ќе настапуваат големи светски музички брендови.
Извори во фестивалот велат дека јавноста треба да почека малку за да се расчистат сите работи и да се види дали манипулира Орце Ѓорѓиевски или СДСМ и нивните блиски медиуми.