Македонија

Кривични пријави против фирма и управител од Радовиш, наместо бука на училиштата им испорачувале топола, дива круша и црница

СВР Струмица-ОВР Радовиш, до Основното јавно обвинителство Радовиш, поднесе кривична пријава против С.К.(43) од село Дедино, општина Конче, поради постоење основи на сомнение дека сторил кривични дела „злоупотреба на постапката за јавен повик, доделување на договор за јавна набавка или јавно – приватно партнерство“, „злоупотреба на службената положба и овластување“, „посебни случаи на фалсификување исправи“, „употреба на исправа со невистинита содржина“ и „вршење на јавен превоз без поседување на лиценца“ и против правен субјект од Радовиш поради постоење основи на сомнение за сторени кривични дела „злоупотреба на постапката за јавен повик, доделување на договор за јавна набавка или јавно – приватно партнерство“, „посебни случаи на фалсификување исправи“ и „употреба на исправа со невистинита содржина.

2 минути за читање

С.К. и правното лице, чиј управител е, по претходно распишан оглас за јавна набавка од општина Радовиш и донесената одлука дека е најповолен понудувач за набавка на огревно дрво бука за потребите на основните училишта во општина Радовиш, свесно со неизвршување на обврските од договорот ги повредиле правилата на постапката со тоа што во подрачните училишта во с.Калаузлија, с.Коџалија, с.Ињево, с.Сулдурци и с.Покрајчево наместо огревно дрво бука со опсег на дијаметар 7-16 цм испорачале огревно дрво топола, дива круша, црница, евла и бука со дијаметар од 3-7 цм. На овој начин се стекнале со противправна имотна корист од 628.224 денари.

Исто така, испорачаното огревно дрво не било жигосано со жиг за жигосување на дрвни сортименти и немало испратница за превоз на дрвни сортименти за топола, дива круша, црница, евла и друго, што укажува на фактот дека е незаконски стекната. Пријавените изготвиле фиктивни испратници за основните училишта со тоа што во делот на вид на дрво и вид на сортимент на дрво внеле невистинити податоци во однос на видот на дрво и видот на дрвниот сортимент, додека во рубриката „одговорно лице“, С.К. се потпишал и покрај тоа што не бил овластен да ги потпише. Што се однесува пак до превозот на дрвата, С.К. го вршел со товарно возило на правното лице без да поседува лиценца за вршење на јавен превоз.

Поврзани теми:

актуелно|кривични пријави против фирма и управител од Радовиш|испорачано поинакво огревно дрво

Најнови вести од: Македонија

Шест возачи приведени поради безобѕирно возење, меѓу нив и двајца малолетници! Управувале автомобили без возачка дозвола, еден бил и пијан!

Полицијата вчера на територијата на целата држава лишила од слобода шест возачи поради безобѕирно управување со моторно возило, информираат од Министерството за внатрешни работи. Од нив, петмина управувале возило без возачка дозвола, а еден возач бил фатен како вози под дејство на алкохол.

Мицкоски: СДСМ е најголемата опасност за македонскиот идентитет и македонската држава, нивната цел е да им зададат удар и да ги разнебитат!

„Не би сакал да ја коментирам безидејната, мекотелна опозиција. Опозицијата бара оставки секој ден од секого. Без разлика на тоа какви се нивните аргументи, институциите постапуваат, а и министерот Тошковски на прес-конференција направи јасна ретроспектива за тоа што и како се случувало. СДСМ е најголемата опасност врз македонскиот идентитет и македонската држава и ги замолувам граѓаните со резерва да ги прифаќаат сите лажни конструкции и соопштенија, кои доаѓаат од Бихаќка. бидејќи тие имаат само една цел: да го разнебитат македонското ткиво и да му зададат удар врз македонскиот идентитет.“ – нагласи премиерот на Република Македонија Христијан Мицкоски во одговор на новинарско прашање за барањето на СДСМ министерот за внатрешни работи Панче Тошковски да поднесе оставка, поради трагедијата во Карпош.

Институтот за јавно здравје отстрани 10 тони опасен хемиски отпад што можел да предизвика хаварија

Во рамки на Институтот за јавно здравје (ИЈЗ) повеќе од 10 години се чувале 10 тони опасен хемиски отпад, што можел да предизвика хаварија и претставувал голем ризик за здравјето на луѓето и безбедноста. Како што информира денеска директорката на Институтот, Марија Андоновска отпадот е моментно безбедно отстранет и  нема да остане во државата, туку ќе биде согорен надвор.

Ѓорѓиевски: Со подземната сообраќајница ќе се намалат за најмалку една третина метежот и сообраќајниот хаос во Скопје

Градоначалникот на Скопје Орце Ѓорѓиевски изјави дека булеварот „Македонија“ е еден од најсериозните капитални проекти за градот, којшто било кога во минатото е започнат да се реализира.

Јанкуловски: Филипче е очајник кој има проблем со лидерство (ВИДЕО)

Не ме изненадува, повторно да се повикува меѓународната заедница ‘слушајте ние имаме режим’, сите имаме режим помалку или повеќе, меѓутоа да го споредувате со овие држави (Иран, Венецуела) повик е на очајник, човек што не знае што да прави во политика, вели професорот
Сите вести од Македонија

Најнови вести

To top