Лајк на пост на идеологот на СДСМ Бранко Тричковски отвори вербална војна меѓу доајените на македонското новинарство Бранко Героски и Мирче Адамчевски.
Откако Героски ги прозва сите кои ставиле лајк на пост на Тричковски кој на грозоморен начин зборува за ,,Возот од Кочани кој носи изгорени” се јави Адамчевски кој реагира на прозивката за поддршката за постот кој ги допира роднините и блиските на починатите во дискотеката Пулс.
,,Повелете еден мал извадок од еден “длабокоумен” пост на Фејсбук на македономрзецот Бранко Тричковски. Нормално, од сите вас, драги мои Македонци, како припадници на “гомно нација” – така ве означи Тричковски и вие си ја прифативте етикетата! – се очекува некако да ја разберете и да ја контекстуализирате неговата полуреченица за возот од Кочани кој носел деца изгорени.
Не деца помочани, како во онаа стара подбивна песничка, туку деца изгорени, како во Тричковата подбивна “метафора”.
Овде “извлечена надвор од контекстот”, нормално. Како што обично се вадат малоумникот и неговите лајкачи…
Драги обвинители, на чело со Љупчо Коцевски, имам само една порака до вас, во стилот на бардот на сдсмовската пропаганда – пизда ли ви лепа материна, кретенчуги едни!
Кај ви се очите? Читате ли нешто?
И ова моево не е метафора!
Ова е пцуење, бре!
Ова е навреда!
Тужете ме, идиоти!
Кога веќе немате смелост да гоните некој што пишува вакви гадости, гонете ме мене, стоки едни”, пишува Героски кој го посочува фрагментот во кој Тричковски зборува за возот од Кочани.
Откако Адамчевски кој ставил лајк за грозомората на Тричковски се препознал во објавата на Героски тој одговара дека авторот лечел комплекси преку него.
,,Гледам дека драгиот Бранко Геровски напиша нешто за мене.
Да му кажам дека Мирче Адамчевски не е адресата за лекување на комплекси. Во руската литература, особено од 20 век, има многу примери на луѓе кои броеле и прегледувале „лајкови“”, пишува Адамчевски кој е поранешен претседател Комисијата за жалби при Советот за етика во медиумите.
На ова Героски одговара:
,,Ме заболе мене за бројот на лајкови и за руската литература… Јас ТЕБЕ ти поставив прашање. Бидејќи си го лајкнал постот, ме интересира што ти се допаднало и посебно колку ти се допаднал делот за возот од Кочани што носел “деца изгорени”. Како долгогодишен претседател на Комисијата за жалби на СЕММ – што ќе рече експерт за етички прашања – би требало да одговориш на прашањето”.
Дебатата засега завршува со контраодговор од Адамчевски кој сепак не одговара на прашањето од Героски.
,,Геро, Геро си станал како портпароливе на ВМРО-ДПМНЕ. „Треба да одговори, треба да одговори..“, пишува Адамчевски.
Предходно Адамчевски ставил лајк и на навредите од Тричковски кон новинарот Драган Милосављевиќ за анализа на навредите од Љубомир Фрчкоски кој не реагира на неколегијалниот однос на Адамчевски.