Амбасадата на Косово во Македонија објави дека од денеска официјално се затвора Генералниот конзулат во Струга, пренесува весникот „Коха диторе“.
Според соопштението на Амбасадата, одлуката е донесена врз основа на „оценката на динамиката на конзуларната мисија и има цел да ги прилагоди и оптимизира дипломатските структури во согласност со заедничките институционални цели и потреби“.
Конзуларните услуги извршувани досега во Струга ќе бидат преземени од Амбасадата на Косово во Скопје, а на теренот во градот на Охридското Езеро ќе биде зачувано присуството на почесен конзул со лична канцеларија, пишува „Коха диторе“.