Изминаа веќе два дена откако Бојан Јовановски алијас Боки 13 му се закани на инфлуенсерот Стефан Лазаров да не зборува ништо за него затоа што во спротивно ќе треба да ја напушти државата.
Блиски на Лазаров велат дека се уште не е дефинитивно дали тој ќе одговори затоа што имал многу компромитирачки материјали за човекот што беше фатен како го рекетира Орце Камчев, но дека не вредело да се впушта во кавга со човек како Боки 13 кој е осудено лице и кој досега направил многу грди работи без да одговара за нив.
Од таборот на Лазаров не откриваат што е тоа што може да се открие за Боки 13 но дека ако биде откриено Јовановски не само што нема да може да замине џенем односно да ја напушти државата туку можеби ќе треба да замине повторно во затвор.
Според нив се докажа дека Боки 13 не е во толку тешка здравствена состојба да не ја отслужува затворската казна на која беше осуден за рекет и дека ако биде пак осуден ќе мора да заврши во затвор.
Од другата страна луѓе блиски на Боки 13 кој го прогласи Лазаров за медиокритет и му се закани дека ако проговори за него ќе треба да се отсели од Македонија велат дека тој имал докази за многу законски спорни ситуации во кои се наоѓал инфлуенсерот и дека ако тоа биде објавено Лазаров ќе биде среќен ако замине во странство пред да биде процесуиран од правосудството.
Тие не откриваат што е тоа што Лазаров може да го однесе в затвор но најавуваат дека се чека Лазаров да собере храброст да му врати на Боки 13 по што ќе се увери во каков правен експерт прераснал и што се знае за човекот кој му беше близок со сега го смета за непријател.
Јовановски и Лазаров заедно беа дел од таканаречен “гивавеј” кој според македонските закони е игра на среќа за која немаа лиценца и други потребни документи.
На еден таков настан во Штип на кој се продавале карти лани влезе и УЈП но досега од институциите нема правна разврска од која Боки 13 се огради со тврдење организатор бил Лазаров а тој бил само гостин.
Дали Боки 13 на Лазаров му се заканува со информации за овој случај на прекршување на законите или пак за друга ситуација поврзана со собирање на донации за која шпекулираат кругови околу Јовановски засега нема конкретна информација.