Лидерот на СДСМ имал пријатна средба со поранешни партиски и јавни функционери со кои разговарале за повеќе теми.
,,Пријатен и искрен разговор со поранешните носители на јавни и партиски функции во СДСМ. Нивното искуство, совети и поддршка се од големо значење, особено во овој период кога започнува кампањата за претстојните локални избори. Разговаравме за актуелните случувања, предизвиците, но и за можностите што ни претстојат. СДСМ секогаш била и ќе биде партија што цени континуитет, искуство и отворен дијалог”, објави Филипче за средбата.
Меѓу луѓето на објавените фотографии може да се препознаат екс министерот за финансии Никола Поповски, Амбасадорот Тихомир Илиевски и екс директорот на Комисијата за односи со верските заедници Цане Мојановски.
Останатите екс функционери на фотографијата не се познати за пошироката јавност.
