Македонија Бизнис

Македонија неславен европски лидер по возила со манипулирана километража!

Според обемното истражување на експертите за автомобилска дијагностика од компанијата „Карли“ (Carly), која собира милиони податоци секоја година преку своите ОБД-апарати, секое четврто половно возило продадено во Македонија во 2024 година имало манипулирана километража. Со 25,61 процент такви автомобили лани, Македонија е неславен лидер во Европа, пред Србија и Албанија со по 22,55 отсто и […]

1 минута за читање

Според обемното истражување на експертите за автомобилска дијагностика од компанијата „Карли“ (Carly), која собира милиони податоци секоја година преку своите ОБД-апарати, секое четврто половно возило продадено во Македонија во 2024 година имало манипулирана километража.

Со 25,61 процент такви автомобили лани, Македонија е неславен лидер во Европа, пред Србија и Албанија со по 22,55 отсто и Црна Гора со 20,53 отсто.

Бугарија е осма со 14 проценти продадени возила од втора рака со вратена километража и во тој поглед се наоѓа меѓу Босна и Херцеговина и Романија.

Германија е на изненадувачки високото десетто место со 12 отсто, а тоа се објаснува со засилената трговија со користени автомобили со земјите од Источна Европа, а таква е ситуацијата и со Франција, Шпанија и Холандија, од кадешто 8 отсто од продадените „стари коли“ лани биле со нереална километража.

Европскиот просек е 9 проценти, а на врвот во позитивна смисла се земјите од Северна Европа – Исланд со 3 отсто, Норвешка со 3,78 отсто, Финска со 4,38 отсто и Шведска со 5,21 отсто.

Поврзани теми:

Македонија|„Карли“|километража

Повеќе на оваа тема:

Најнови вести од: Македонија Бизнис

Со „Предлог-заклучоците“ Советот на ЕУ ја претвора Македонија во „гробишта за европските резолуции и Копенхагенските критериуми“!

„Бугарското негирање на посебноста на идентитетот и историјата на македонската нација служи како оправдување за бруталната војна на агресија и културно уништување. Оваа националистичка патологија стана официјална политика на ЕУ! Барањата на Бугарија кон С.Македонија се неправедни: додека Бугарија инсистира на вклучување на Бугарите како конститутивен народ во македонскиот устав, таа упорно го негира постоењето македонско малцинство во Бугарија!“ – нагласува д-р Улф Брунбаер во својот научен труд со наслов „Страничните ефекти од ‘фантомските болки’: како бугарската историска митологија го попречува пристапувањето на С.Македонија во ЕУ“. Трудот е објавен на 4 јануари 2023 година во научното списание „Споредбени студии за Југоисточна Европа“. Професорот Брунбауер е австриски историчар и академски директор на Институтот Лајбниц за студии за Источна и Југоисточна Европа во Регенсбург, Германија. Неговите аналитички заклучоци од овој труд претставуваат жестока и аргументирана критика на политиката на Европската унија кон Република Македонија и нејзиното газење на сопствените Копенхагенски критериуми за проширувањето.

Мора да се најде решение со Бугарија за деблокада на евроинтеграциите, рече Муцунски од Брисел

Муцунски оцени дека самитот е важна можност да се потврди стратегијата на ЕУ за проширување и да се испрати позитивна порака до регионот, но и да се отворат конкретни разговори за надминување на билатералните пречки кои го кочат напредокот на Македонија.

Избрана банката која ќе ја финансира изградбата на брзата железница од Табановце до Богородица

Изведувачот на работите на брзата пруга ќе се избере преку таканаречен конкурентен дијалог. Овој проект е предвидено да чини околу две милијарди евра и е дел од стратешкиот договор со Велика Британија. Според Николоски, актуелните случувања во Бугарија не би требало да влијаат врз текот на процесот за изградба на пругата од Коридорот 8.

Државните Електрани на Македонија со 97 милиони евра ќе градат фотоволтаична централа

Кредитот од Европската банка за обнова и развој е со рок на отплата од 15 година со вклучен грејс период од 3 години. Каматата и за овој кредит е варијабилна. се состои од шестмесечен ЕУРИБОР зголемен за маргина од 1%. АД ЕСМ – Скопје, ќе и плати на Европската банка за обнова и развој еднократна провизија во висина од 1 % од износот на заемот.

Шилегов бара оставка од Филипче: Или си СДСМ, или си тезгаџија!

Поранешниот градоначалник на Скопје и висок функционер на СДС Петре Шилегов јавно преку фејсбук побара оставка од „лидерот“ на СДС Венко Филипче. Ако се има предвид жестината, со која Шилегов го нападна Филипче, означувајќи го со зборот претседател ставен во наводници, се наметнува дилемата: дали можеби Шилегов е дел од иницијатива за обединување на СДС, што веќе кружи и која која подготвува политички концепт и кадровска понуда, во која би влегле поранешни социјалдемократи, меѓу кои и некогашните потпретседател и генерален секретар Игор Ивановски-Шема и Андреј Петров?

Владата од 1 јануари ќе пресметува просечна потрошувачка кошничка, паралелно со онаа од ССМ

В понеделник ќе заседава Економско-социјалниот совет и повторно ќе одлучува за зголемување на минималната плата. За сега извесно е само дека до крајот на март минималната плата ќе порасне до две илјади денари, како законско усогласување. Синдикатите не отстапуваат од барањето за 30 илјади минималец, но бизнис секторот е на став дека стопанството, посебно трудоинтензивните дејности не се во кондиција да издржат таков финансиски товар.
Сите вести од Македонија

Најнови вести

To top