Поранешниот градоначалник на Чаир во два мандати (2005 и 2013-та) Изет Меџити, синоќа објави дека не ја исклучува можноста да се кандидира за функцијата градоначалник на општина Чаир.
„Како ВРЕДИ, овие денови ги чекаме резултатите од анкетите од професионалните агенции и тие ќе ни дадат ориентација за тоа кој каде ќе биде, но не го исклучувам тоа како можност“, изјави Меџити во гостување на на „Канал 5“.
Меџити рече дека ако ДУИ навистина излезе со Османи како кандидат, и ВРЕДИ ќе одговорат со слична артилерија“.
„Ако ДУИ оди со потпретседател и члени кој беше кандидат за претседател на државата, министер за надворешни работи, и ние ќе одговориме со слична „артилерија““, изјави Меџити.
Во врска со тоа што ВРЕДИ им понуди на граѓаните од општината Чаир, тој рече дека граѓаните гледаат дека Ахмети и ДУИ, немаат луѓе кои ќе се кандидираат на овие локални избори.
„Од 15-те општини со мнозинско албанско население, седум-осум од нив беа дадени на Алијансата пред да започне натпреварот. ДУИ ќе се натпреварува само во седум општини, но мислам дека во сегашните околности каде што ДУИ води со 11-12 општини, во најдобар случај може да кандидира свои кадри во само седум општин“, вели Меџити.