Македонија

Меџити: Општините со албанско население никогаш немале поголема корист од Владата, отколку што е сега – водоводи, канализација, инфраструктура

„Во изминатите две децении од владеењето на ДУИ Албанците доживеаја стотици скандали и измислени судења, криминал и корупција.“ – нагласи вицепремиер и кандидат за градоначалник на Чаир од Вреди Изет Меџити.

2 минути за читање

„Во изјава за медиумите вицепремиерот и кандидат на Вреди за градоначалник на општина Чаир Изет Меџити се осврна на горчливата реалност од 20-те години власт на ДУИ. Тој ја разоткри политиката на неговиот противник Бујар Османи. Меџити нагласи дека Албанците никогаш не биле посилни и никогаш немале поголема корист од Владата отколку за време на ова едногодишно владеење и на учество на Вреди во владата – период во кој општините со албанско население за прв пат спроведуваат големи проекти за водоснабдување, канализација и модерна инфраструктура.“ – објави информативниот портал на албански јазик „Фол“.

Натаму, порталот наведува: „Да беа Албанците чинител во текот на изминатите 20 години со ДУИ денес немаше да зборуваме за водоснабдувањето и канализацијата, за атмосферската мрежа, кои ги правиме. Општините со албанско население никогаш немале поголема корист од Владата отколку што е денес.“ – нагласи Изет Меџити, укажувајќи на неспособноста на ДУИ.

Тој потсети дека во текот на изминатава една годината на учество на Вреди во владата немало ниту еден случај на корупција, ниту политички измислени затворања, додека со ДУИ Албанците доживеале стотици скандали и измислени судења. „ДУИ и Бујар Османи се во паника, бидејќи немаат идеи, ниту визија. Тие немаат што да им понудат на граѓаните, освен страв од нивното мрачно минато.“ – изјави Меџити.

Поврзани теми:

ВРЕДИ|ДУИ|Бујар османи|Албанци|Изет Меџити|Влада на Република Македонија|криминал и корупција|проекти за современа комунална инфраструктура

Повеќе на оваа тема:

Најнови вести од: Македонија

Дали денешната средба на косовското Ветвендосје на Албин Курти со Албанци во Скопје е најава дека ќе ги прошири активностите и во Македонија?!

Веќе 14 години во оптек е идејата, поточно намерата на Албин Курти, доскорешен премиер на Косово, и актуелен лидер на косовската партија Движење Ветвендосје (Самоопределување) да отвори свој огранок, или центар, и во Македонија. Засега нема поблиски информации дали би можело наскоро таа идеја и намера да се реализира, со тоа што партијата на Курти би го проширила своето политичко дејствување и на територијата на Македонија. Инаку, Ветвендосје одржува блиски контакти и тесна соработка со коалицијата Вреди.

Пренџов: Заев и Филипче ѝ дадоа на Бугарија што бараше 150 години, но Бугарите во Уставот ќе влезат кога и Македонија и Македонците во ЕУ!

„Тоа што го бара Бугарија не е ново, тоа Бугарија го бара 150 години и ниеден претходно не го направил тоа, што што го направија Заев и Филипче. Предупредувавме дека ќе завршиме во ќорсокак, дека на Македонецот му е доста од понижување. Предупредувавме дека покрај сменето име, презиме, банкноти, 20 пати Устав сменето, знаме сменето, не сакаме повеќе да бидеме луѓе, кои ќе ја наведнуваме главата, научени да губиме, а ништо да не добиваме. Ние сме нова политичка номенклатура, но ги држиме македонската традиција и македонскиот идентитет по секоја цена! Кога се работи за Македонија, за нашите предци и за нашите поколенија, мора многу сериозно, многу стратегиски и многу мудро да се размислува. Не велиме дека никогаш нема да има Бугари во Уставот, но велиме дека велиме кога Македонците ќе влезат во ЕУ тогаш и Бугарите ќе влезат во нашиот Устав!“ – изјави пратеникот од ВМРО ДПМНЕ Љупчо Пренџов во гостувањето во ТВ Канал 5.

Забавниот парк „Зимзоленд“ под клуч – инспекцијата го затвори по направените вонредни контроли

Клуч за вртелешките во скопско Ново Лисиче. Забавниот парк „Зимзоленд“ е затворен за посетители. Според информациите, во текот на денот објектот бил затворен по интервенција на Министерството за внатрешни работи, во координација со Општина Аеродром. На терен и инспекоти од УЈП.
Сите вести од Македонија

Најнови вести

To top