Во колумната со наслов „Обединувач и поделувач“, која ја објави информативната агенција на албански јазик Илирија-ИНА од Скопје, покрај другото, Мерсели наведува: Али Ахмети нема да поднесе оставка. Тој дури држи говори на протестите против Специјалниот Хашки трибунал. Протестот во Скопје ќе биде масовен, а тој се прикажува како негов „господар“. Ја има поддршката од Еди Рама и косовската опозиција. Меѓутоа, колективната оставка е најдоброто решение за оживување на разбиените структури на ДУИ како партија. Тие ја претворија идеологијата и националната кауза во корупција.
Од политички обединител, Али Ахмети стана личност, што предизвикува раздор. Со политиката да не ја освежува партијата низ годините тој стана најголемиот предизвикувач на раздор меѓу Албанците. Едновремено, флертувајќи со Мендух Тачи и сојузите, кои беа неприродно обединети, Ахмети ја подели и ДУИ. Сега сè уште се обидува да се камуфлира под плаштот на командант, иако изгуби двапати на избори,
Пред него е партиски конгрес, каде што претходно навести дека не е виновен како лидер на партијата и коалицијата. Бара оставка од сите освен од себе. Но, на овој конгрес ќе се се пробијат патиштата. Дојде време тој да се брани себеси, а не партијата. Тешко е да ги убеди своите сопартијци дека тој не е виновен за поразот на локалните избори. Дури и за сомнителниот пораз во Кичево!
Незадоволството во партијата постои. На конгресот може да излезе на површина негодувањето на членството, кое е презаситено од Муса Џафери, Блерим Беџети…, презаситено од Артан Груби и други избрани луѓе, секогаш делегирани како негови најлојални луѓе, а не како членови на партијата. Конгресот следната седмица ќе ги одреди нејзините наредни патишта.
Купувањето време сите овие години и одложувањето на решавањето на албанското прашање беа причините, поради кои Али Ахмети доживеа политички потоп. Мендух Тачи и Зијадин Села му го свртеа. Ќе му го свртат грбот и многу негови сопартијци од ДУИ!