Македонија

Мицевски: Обвинителството веднаш да спроведе темелна и сериозна истрага за злоупотребите на разузнавачките и безбедносни служби

Кој, како и зошто дозволил злоупотреба и неовластена употреба на посебни истражни мерки? – прашање, на кое шефот на пратеничката група на ВМРО ДПМНЕ Никола Мицевски бара итен и целосен одговор од јавното обвинителство.

1 минута за читање

Во едно демократско општество какво што сакаме да бидеме, следење и прислушкување на опозициски лидер, бизнисмени и новинари е сериозен удар и закана врз слободата и довербата во институциите, вели Никола Мицевски, координатор на пратеничката група на ВМРО-ДПМНЕ.

-Кога службите што треба да ја гарантираат нашата безбедност биле злоупотребувани за лични и политички цели преку неовластено следење и прислушкување на политички опоненти и неистомисленици, тогаш се губи довербата во целиот систем. Тоа не е само нарушување на приватноста и кршење на законите, туку и опасен преседан што ја подрива демократијата и државата, оценува тој.

Мицевски посочува дека јавноста мора да знае: Кој, како и зошто основното јавно обвинителство дозволило злоупотреба и неовластена употреба на посебни истражни мерки? Зошто и за која цел биле прекршени законски пропишаните процедури? Дали токму затоа СДС и ДУИ во Собрание НЕ гласаа за недоверба и смена на јавниот обвинител, Љупчо Коцевски?

-Токму затоа, уште еднаш го повикуваме обвинителството веднаш да реагира и да спроведе темелна и сериозна истрага, за да добиеме гаранција дека секој граѓанин ќе биде заштитен од ваква брутална злоупотреба на механизмите и системот, рече Мицевски.

Поврзани теми:

ВМРО-ДПМНЕ|злоупотреби|истрага|координатор на пратеничка група на ВМРО ДПМНЕ|Никола Мицевски|неовластени прислушувања|јавно обвинителство

Повеќе на оваа тема:

Најнови вести од: Македонија

Опаѓа бројот на заболени од грип, но можно е да има и втор бран

Во однос на возрасната дистрибуција 1029 лица се на возраст меѓу 15 и 64 години, 253 лица се на возраст над 65 години, 243 се деца на возраст меѓу 5 и 14 години, 183 се деца на возраст меѓу 0 и 4 години што укажува дека највисоката инциденца се регистрира на возраст меѓу 0 и 14 години.

Кривична пријава за Фатмир Дехари: го оштетил буџетот на Општина Кичево за 130.000 евра

ОВР Кичево поднесе кривична пријава против Ф.Д.(52) од кичевското село Србица, поради постоење основи на сомнение за сторено кривично дело „злоупотреба на службена положба и овластување“, како и против Ф.А.(62) од с. Зајас, А.Н.(38) од с. Србица, Х.Б.(37) од с. Црвевци и Б.С.(36) од с. Стрелци, за сторено кривично дело „перење пари и други приноси од казниво дело“.

За уставни измени – гаранции за македонскиот идентитет и јазик и права за Македонците во Бугарија

Додека Христијан Мицкоски е претседател на Владата нема да се случат уставни измени ако Македонците во Бугарија не ги добијат загарантираните права согласно меѓународното право и меѓународните конвенции и додека не се добијат гаранции дека во иднина државата нема да се соочува со опструкции и блокади од субјективни причини. Вака одговори премиерот Мицкоски на денешната собраниска седница за пратенички прашања одговарајќи на прашање од пратеникот Скендер Реџепи околу уставните измени.

Ѓорѓиевски: Набавуваме повеќе од 40 возила за Комунална хигиена, заради организирано и ефикасно собирање на отпадот во сите скопски населби

Со оваа одлука Град Скопје прави суштински исчекор кон трајно и системско решавање на проблемот со одржувањето на јавната чистота.

Димитров: Платата не е работа на желби, бараните 600 евра не се според ниеден економски критериум!

Платата не е работа на желби, туку на економски критеруми кај кои нема зголемување за износ на кој ќе се темели барањето за минимална плата од 36 илјади денари. Износот од 57 проценти на минималната плата кај нас во однос на просечната е највисока заштита што ја има кој било работник во Европа, вели Ангел Димитров од Организацијата на работодавачите на Македонија.

Мицкоски: По изборот на јавниот обвинител ќе влезат во процедура многу предмети, чувани во фиока, и јавноста ќе види како владееја СДСМ и ДУИ!

Одговарајќи на пратеничко прашање, Мицкоски денес на собраниската говорница рече рече дека очекува со промените во Обвинителството голем број граѓани да се охрабрат и јавно да прозборат што сѐ доживеале за време на претходната влада.

Николовски: Добив одлични вести од Брисел за превозниците од Македонија! Возачите се прифатени како професионалци!

„Само што добив ОДЛИЧНИ вести од Брисел во врска со огромниот проблем на превозниците од Македонија! Нашите ставови се прифатени. Возачите се прифатени како ПРОФЕСИОНАЛЦИ. Тоа е тоа што го баравме.“ – објави вицепремиерот и министер за транспорт Александар Николовски на својот фејсбук-профил во врска со протестот на камионџиите и од Македонија.
Сите вести од Македонија

Најнови вести

To top