Мицкоски денес на увид во изградбата на градинката во Потстаница, Драчево – Ѓорѓиевски: Ќе има најдобри услови за 80 деца

Градоначалникот на Кисела Вода и кандидат за градоначалник на Скопје Орце Ѓорѓиевски на 23 јули 2025 година изјави дека градинката во Потстаница е веќе во завршна фаза на темелната реконструкција, како современ простор од 222 квадратни метри со огромно значење за жителите од Потстаница, бидејќи овој дел од општината никогаш досега немаше детска градинка.

21. август 2025. — 07:04 3 минути за читање

Денес, на 21 август 2025 година во 12 часот претседателот на Владата на Република Македонија Христијан Мицкоски ќе присуствува на увид во градежните активности на новата детска градинка во Потстаница, Драчево, во Општина Кисела Вода. Потоа е предвидено да даде изјава за медиумите. Градоначалникот на Кисела Вода и кандидат за градоначалник на Скопје Орце Ѓорѓиевски уште на 23 јули 2025 година имаше нагласено во изјава за медиумите дека околу 80 деца ќе растат и ќе се развиваат во најдобри услови во оваа детска градинка. „Кога работиме заедно можеме брзо и ефикасно да ги решаваме проблемите и да создадеме подобра иднина за нашите деца и семејства.“ – имаше посочено Ѓорѓиевски тогаш.

Според информацијата, објавена на официјалната интернет-страница на општина Кисела Вода на 23 јули 2025 година, градбата на новата детска градинка во Потстаница во Драчево е во завршна фаза. Тогаш градоначалникот на Кисела Вода Орце Ѓорѓиевски на средба со министерот за социјална политика, демографија и млади Фатмир Лимани потпиша договор за опремување на новата градинка во населбата Потстаница. „Градбата е во завршна фаза. Ова ќе биде првата детска градинка во овој дел од општината, која ќе овозможи современи услови за воспитување и грижа за околу 80 деца. Во Кисела Вода секое дете ќе има свое место во градинка. Кога започнав да ја водам општината во наследените листи на чекање за упис во градинка имаше околу 450 деца. Денес оваа бројка е сведена само на триесеттина деца. Целосно ќе ги затвориме листите на чекање со завршувањето на градинката во Потстаница и засилените градежни активности, што се одвиваат на уште две нови градинки, во Расадник и во 11 Октомври Згради, но и со претходните наши активности, преку кои се интервенираше со изградба или проширување на капацитетите во уште 7 други објекти.“ – имаше нагласено Ѓорѓиевски во изјавата од јули годинава.

Тој посебно укажа на фактот дека децата, кои ќе бидат згрижени во оваа градинка, ќе растат и ќе се развиваат во најдобри услови. „Градинката во Потстаница, што ја добивме како објект преку одлука на Владата и која е моментно во завршна фаза на темелната реконструкција, ќе биде современ и безбеден простор од 222 квадратни метри. Во овој простор околу 80 деца ќе растат и ќе се развиваат во најдобри услови. Ова е од огромно значење за жителите од Потстаница, бидејќи овој дел од општината никогаш досега немаше детска градинка.“ – имаше посочено градоначалникот на Кисела Вода и кандидат за градоначалник на Скопје Орце Ѓорѓиевски на 23 јули 2025 година.

Поврзани теми:

Премиер Христијан Мицкоски|градоначалник на Кисела Вода Орце Ѓорѓиевски|кандидат за градоначалник на Скопје|Детска градинка во Потстаница|иднина на децата

Повеќе на оваа тема:

Најнови вести од: Македонија

IN MEMORIAM: Замина Владо Јаневски

Автор и изведувач на големи хитови како „Ако не те сакам“, „Евергрин“, „Дома си е дома“, „И тогаш некоја будала“, „Некогаш и негде“, „Црно тиквешко“

пред 8 часа

Сали: Уставниот суд ја укина одлуката за имињата на улиците во 2007, оти беше без одлука на владата, a протестите на ДУИ се политички мотивирани!

Протестите на ДУИ се политички мотивирани, а Уставниот суд ја укина одлуката за имињата на улиците во Тетово зашто била донесена без да се испочитуваат законот и процедурите, изјави денеска Беким Сали од коалицијата Вреди, актуелен вицепремиер и министер за европски прашања. Сали појасни дека новата постапка во Тетово веќе е започната, но овој пат ќе се води строго според законските прописи.

пред 9 часа

Димитриевски: СДСМ е друштво во ликвидација и стечај, ликвидатор му е Филипче, а го координираат од Струмица!

Лидерот на ЗНАМ Максим Димитриевски изјави дека СДСМ, наместо секојдневно да пласира политички лаги и измислени конструкции, треба конечно да се соочи со сопствените политики, поради кои ја изгуби довербата на граѓаните. Тој оценува дека денешното раководство ја доведе партијата до состојба на политички стечај.

пред 10 часа

ВМРО ДПМНЕ: Филипче и другарите повторуват лаги како папагали – пензиите не се загрозени, буџетот не е празен!

Венко Филипче и неговите другари лагите ги повторуваат како папагали. Од нивното однесување и нивните кажувања кои се сведуваат на сеење страв се гледа само едно дека немаат идеја за ништо и само повторуваат лаги.Буџетот не е празен, ниту се загрозени пензионерите и нивните месечни примања, ниту се загрозени вработените и нивните примања, велат од ВМРО-ДПМНЕ

пред 11 часа

Анри Барбис: Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци!

„Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци. Нам ни припаѓа правото јасно и високо да протестираме против поробувањето и угнетувањето на еден народ.“ – напишал Анри Барбис на во својата статија со наслов „Поробен народ“ („Un peuple asservie“), која е објавена на 28 јуни 1930 година во публикацијата „Монд“ број 108. Барбис е блескав француски писател, добитник на највисоки француски државни награди за вредностите на својата литература. Во „Поробен народ“ овој француски писател употребува директно за Македонците оригинални француски формулации „une nation“, „langue distincte“ и „originalité ethnique“, кои во францускиот политички и интелектуален речник од тоа време имале многу силно значење и означувале: посебен народ, посебен идентитет и различен, посебен јазик. Формулациите на Барбис „свој посебен јазик“ и „неоспорна етничка оригиналност“ се јасно признавање на постоењето на македонскиот народ и на македонскиот јазик среде интелектуална Франција и интелектуална Европа. Уште пред сто години, Барбис зборува експлицитно за Македонците како посебна нација, а не како дел од друга балканска нација.

пред 13 часа

Муцунски: Нема „северномакедонски народ, идентитет и јазик“, туку само македонски народ, јазик и идентитет, секое нивно оспорување ќе наиде на соодветен одговор!

Министерот за надворешни работи и надворешна трговија на Република Македонија Тимчо Муцунски денеска, на покана на министерот за надворешни и европски работи на Република Хрватска Гордан Грлиќ Радман, учествуваше на панел-расправата „ ЕУ и Западниот Балкан: заедничко решавање на недовршените работи“ во рамки на Дубровник- форумот, посветена на европската перспектива на Западен Балкан и иднината на политиката на проширување. Во обраќањето министерот Муцунски се осврна на актуелните иницијативи за постепена интеграција на земјите кандидати во Европската Унија, оценувајќи дека тие можат да бидат значајна алатка, ако претставуваат мост кон полноправното членство. „Ако новиот модел на постепена интеграција претставува мост кон полноправно членство, тогаш ќе биде исклучително корисен. Но, мора да внимаваме да не стане алатка, која ќе создаде трајна чекалница без врата кон целосно членство“, истакна Муцунски.

пред 14 часа

Лефков: Филипче е слуга на Бугарија и не го засегаат нејзините напади врз Македонија, идентитетот, јазикот и историјата!

„Додека државните претставници на Македонија секој ден наоѓаат начини за соработка, јакнење на билатералните односи, јакнење на позицијата на државава на меѓународна сцена како што се деновиве активностите на министерот Муцунски во Дубровник, дома го имаме опозиционерот Венко Филипче и неговите другари од раководството на СДС, кои знаат само да слугуваат на туѓи интереси, сега конкретно слугуваат на Бугарија!“ – нагласи на денешната прес-конференција Миле Лефков, член на ИК и пратеник на ВМРО-ДПМНЕ.

пред 15 часа

Ѓорче Петров, жестокиот борец против врховизмот и великобугарските посегања кон Македонија, „земјата врз која се излеал сиот божји благослов“

Денеска се одбележуваат 105 години од убиството на Ѓорче Петров, еден од идеолозите на македонската револуционерна борба за слобода на македонскиот народ и за создавање самостојна македонска држава. Поради своите чисто македонски позиции, Ѓорче Петров станал најнапаѓаниот член на ВМРО од страна на великобугарските врховисти. Неговиот став кон Бугарија и бугарската политика бил критичен – тој се борел за самостојна македонска ослободителна борба и остро се спротивставувал на бугарските врховистички обиди и мешања во внатрешните работи на Организацијата. Ѓорче Петров бил еден од авторите на Уставот на ТМОРО, чија цел била создавање самостојна македонско-одринска област. Тој бил жесток противник на бугарскиот Врховен комитет (врховистите), кој се обидувал да ја стави македонската револуционерна борба под контрола на официјална Софија. Во своето капитално дело „Материјали по изучувањето на Македонија“, тој ги отфрлил стремежите на соседните држави. За бугарските и српските пропагандни тврдења дека македонското население е бугарско, односно српско, тој јавно истакнал дека „тие докажувања не вредат ни луле тутун“. Во 1920-тите години дошол во сериозен политички судир со Тодор Александров. Ѓорче Петров бил убиен на 28 јуни 1921 година среде Софија, по налог на Тодор Александров, а атентатот го извршил Турчинот Реџеп.

пред 15 часа

Сите вести од Македонија