Лидерот на ВМРО-ДПМНЕ и премиер Христијан Мицкоски од предизборниот митинг во Неготино одговори на прозивките од Демократската унија за интеграција, од кадешто го обвинуваат за албанофобија.
„На секој митинг ги слушам од раководството на ДУИ како ме нарекуваат ваков, таков, споменуваат орли, зајци, за на крајот да ме наречат албанофоб. Јас не сум албанофоб, ниту ксенофоб, ниту имам проблем со етничката оприпадност на кој било мој сограѓанин во нашата заедничка татковина Македонија. Но, да, јас сум криминалофоб и ги презирам политичките криминалци коишто во политиката влегоа голтари, а излегоа милионери и сега мислат дека ќе играат на етничка карта и народот ќе заборави што правеа 20 години кога градеа дворци, кога купуваа трговски центри, скапи деловни прстории во центарот на Скопје, автомобили ‘мајбах’ и што уште не на грбот на народот. Е јас сум криминалофоб и ќе одговарате од прв до последен за криминалот што го направивте“, порача Мицкоски од Неготино.