Македонија

Мицкоски: Има центри на моќ, кои кои не ѝ сакаат добро на Македонија, но граѓаните да бидат спокојни, институциите ги надминуваат предизвиците

Претседателот на Владата на Република Македонија Христијан Мицкоски ѝ се обрати вечерва на најшироката јавност во земјата со порака дека надлежните државни институции реагираат и соодветно и исклучително брзо во справувањето со предизвиците, пред кои се става македонската држава, поради хибридните напади врз неа од страна на центри на моќ, кои целат на влошување на ситуацијата во Македонија.

2 минути за читање

„Состојбата е под контрола. Граѓаните треба да бидат мирни, спокојни. Институциите секогаш кога се пред предизвик се организираат исклучително брзо.“ – изјави премиерот на Република Македонија Христијан Мицкоски во вечерашното интервју за ТВ Алсат во врска со пожарите и тврдењата за постоење индиции за хибридни напади. Тој нагласи дека има повеќе од 20 тужби против функционери на ДУИ, но и оти тие се на слобода, бидејќи за ова одлучуваат судот и обвинителството

На прашање дека, наводно, „тој и неговата партија на некој начин го зголемуваат рејтингот на ДУИ“, премиерот Мицкоски одговори отсечно дека би можел да го зголеми само рејтингот на ВМРО-ДМПНЕ.

ТВ Алсат: Зошто го зголемувате рејтингот на ДУИ?

Мицкоски: Во која смисла?! Единствениот рејтинг, што би можел да го зголемам е рејтингот на ВМРО-ДМПНЕ. Ја обвинуваме ДУИ, затоа што таа партија беше на власт 22 години. Моите изјави поврзани со криминалот и корупцијата се тесно поврзани со високи функционери на ДУИ, а во случај да видите зголемување на рејтингот тука… Ако мислите дека дека така го зголемив рејтингот на ДУИ, тогаш ние на различни начини ја гледаме политиката. Досега имаме повеќе од 20 кривични пријави против функционери на ДУИ. Што се однесува до тоа зошто тие се уште се на слобода, за тоа треба да го одлучат судот и обвинителството. Јас реков дека ДУИ ќе биде во опозиција, а тие се во опозиција веќе 15 месеци. – посочи Христијан Мицкоски во интервјуто за ТВ Алсат.

Поврзани теми:

ДУИ|ВМРО-ДПМНЕ|Премиер Христијан Мицкоски|Влада на Република Македонија|хибридни напади

Повеќе на оваа тема:

Најнови вести од: Македонија

Димитриевски: СДСМ е друштво во ликвидација и стечај, ликвидатор му е Филипче, а го координираат од Струмица!

Лидерот на ЗНАМ Максим Димитриевски изјави дека СДСМ, наместо секојдневно да пласира политички лаги и измислени конструкции, треба конечно да се соочи со сопствените политики, поради кои ја изгуби довербата на граѓаните. Тој оценува дека денешното раководство ја доведе партијата до состојба на политички стечај.

ВМРО ДПМНЕ: Филипче и другарите повторуват лаги како папагали – пензиите не се загрозени, буџетот не е празен!

Венко Филипче и неговите другари лагите ги повторуваат како папагали. Од нивното однесување и нивните кажувања кои се сведуваат на сеење страв се гледа само едно дека немаат идеја за ништо и само повторуваат лаги.Буџетот не е празен, ниту се загрозени пензионерите и нивните месечни примања, ниту се загрозени вработените и нивните примања, велат од ВМРО-ДПМНЕ

Анри Барбис: Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци!

„Македонците, коишто имаат свој автентичен посебен јазик и своја неспорна етничка оригиналност, го немаат дури ни правото да се нарекуваат Македонци. Нам ни припаѓа правото јасно и високо да протестираме против поробувањето и угнетувањето на еден народ.“  – напишал Анри Барбис на во својата статија со наслов „Поробен народ“ („Un peuple asservie“), која е објавена на 28 јуни 1930 година во публикацијата „Монд“ број 108. Барбис е блескав француски писател, добитник на највисоки француски државни награди за вредностите на својата литература. Во „Поробен народ“ овој француски писател употребува директно за Македонците оригинални француски формулации „une nation“, „langue distincte“ и „originalité ethnique“, кои во францускиот политички и интелектуален речник од тоа време имале многу силно значење и означувале: посебен народ, посебен идентитет и различен, посебен јазик. Формулациите на Барбис „свој посебен јазик“ и „неоспорна етничка оригиналност“ се јасно признавање на постоењето на македонскиот народ и на македонскиот јазик среде интелектуална Франција и интелектуална Европа. Уште пред сто години, Барбис зборува експлицитно за Македонците како посебна нација, а не како дел од друга балканска нација.

Муцунски: Нема „северномакедонски народ, идентитет и јазик“, туку само македонски народ, јазик и идентитет, секое нивно оспорување ќе наиде на соодветен одговор!

Министерот за надворешни работи и надворешна трговија на Република Македонија Тимчо Муцунски денеска, на покана на министерот за надворешни и европски работи на Република Хрватска Гордан Грлиќ Радман, учествуваше на панел-расправата „ ЕУ и Западниот Балкан: заедничко решавање на недовршените работи“ во рамки на Дубровник- форумот, посветена на европската перспектива на Западен Балкан и иднината на политиката на проширување. Во обраќањето министерот Муцунски се осврна на актуелните иницијативи за постепена интеграција на земјите кандидати во Европската Унија, оценувајќи дека тие можат да бидат значајна алатка, ако претставуваат мост кон полноправното членство. „Ако новиот модел на постепена интеграција претставува мост кон полноправно членство, тогаш ќе биде исклучително корисен. Но, мора да внимаваме да не стане алатка, која ќе создаде трајна чекалница без врата кон целосно членство“, истакна Муцунски.

Лефков: Филипче е слуга на Бугарија и не го засегаат нејзините напади врз Македонија, идентитетот, јазикот и историјата!

„Додека државните претставници на Македонија секој ден наоѓаат начини за соработка, јакнење на билатералните односи, јакнење на позицијата на државава на меѓународна сцена како што се деновиве активностите на министерот Муцунски во Дубровник, дома го имаме опозиционерот Венко Филипче и неговите другари од раководството на СДС, кои знаат само да слугуваат на туѓи интереси, сега конкретно слугуваат на Бугарија!“ – нагласи на денешната прес-конференција Миле Лефков, член на ИК и пратеник на ВМРО-ДПМНЕ.

Ѓорче Петров, жестокиот борец против врховизмот и великобугарските посегања кон Македонија, „земјата врз која се излеал сиот божји благослов“

Денеска се одбележуваат 105 години од убиството на Ѓорче Петров, еден од идеолозите на македонската револуционерна борба  за слобода на македонскиот народ и за создавање самостојна македонска држава. Поради своите чисто македонски позиции, Ѓорче Петров станал најнапаѓаниот член на ВМРО од страна на великобугарските врховисти. Неговиот став кон Бугарија и бугарската политика бил критичен – тој се борел за самостојна македонска ослободителна борба и остро се спротивставувал на бугарските врховистички обиди и мешања во внатрешните работи на Организацијата. Ѓорче Петров бил еден од авторите на Уставот на ТМОРО, чија цел била создавање самостојна македонско-одринска област. Тој бил жесток противник на бугарскиот Врховен комитет (врховистите), кој се обидувал да ја стави македонската револуционерна борба под контрола на официјална Софија. Во своето капитално дело „Материјали по изучувањето на Македонија“, тој ги отфрлил стремежите на соседните држави. За бугарските и српските пропагандни тврдења дека македонското население е бугарско, односно српско, тој јавно истакнал дека „тие докажувања не вредат ни луле тутун“. Во 1920-тите години дошол во сериозен политички судир со Тодор Александров. Ѓорче Петров бил убиен на 28 јуни 1921 година среде Софија, по налог на Тодор Александров, а атентатот го извршил Турчинот Реџеп.

Василевска: Македонија и оваа година ќе биде пример во регионот за исполнување на реформските задачи

Европските институции ја потврдуваат посветеноста на Македонија во спроведувањето на реформскиот процес, што резултираше со најзначајна финансиска поддршка од Планот за раст
Сите вести од Македонија

Најнови вести

To top