Премиерот Мицкоски дополни дека со овој објект во Гевгелија веќе нема да има листа на чекање, или оти таа листа ќе биде многу мала.
„Посакувам уште многу вакви убави проекти, со кои ќе додадеме квалитет во животите на гевгеличани. Во периодот, што следи, привршуваат и ќе бидат ставени во функција уште многу градинки, кои се почнати кон крајот на 24-та година и 25-та година. Многу од проблемите коишто во минатото ги следеа овие проекти се отстранети, засилена е динамиката на реализација и изградба на самите објекти, но истовремено и примањето на нов кадар, лиценциран кадар, е исто така интензивирано, нешто што во минатото беше закочено.“ – посочи Мицкоски.