Македонија

Мисајловски: Образованието е темелна вредност во градењето на едно општество, а военото образование е столбот на кој се градат офицерските и подофицерските кадри

Образованието е темелна вредност во градењето на едно општество, а военото образование е столбот на кој се градат офицерските и подофицерските кадри, рече министерот за одбрана Владо Мисајловски на денешното одбележување на 30-годишнината од основањето на Воената академија „Генерал Михаило Апостолски“ во касарната „Гоце Делчев“ во Скопје.

2 минути за читање

Образованието е темелна вредност во градењето на едно општество, а военото образование е столбот на кој се градат офицерските и подофицерските кадри, рече министерот за одбрана Владо Мисајловски на денешното одбележување на 30-годишнината од основањето на Воената академија „Генерал Михаило Апостолски“ во касарната „Гоце Делчев“ во Скопје. На свеченоста присуствуваше и началникот на Генералштабот на Армијата, генерал-мајор Сашко Лафчиски.

Мисајловски порача дека академијата изминатите 30 години прерасна во значајна високообразовна институција во државата и регионот, а успехот го припиша на посветеноста на образовниот кадар кој придонесува во градењето на младите питомци во професионалци подготвени и мотивирани да ја преземат лидерската улога.

Тој нагласи дека преку наставните програми, каде се изучуваат и лидерските способности на личности како генерал Апостолски и други значајни личности од македонската историја, Академијата поставува цврсти темели за едукација на кадри кои го следат заветот на националните херои.

Министерот се осврна и на регионалниот карактер на Академијата, посочувајќи дека преку едукацијата на питомци од соседните земји се зајакнува соработката, се разменуваат искуства и се создава мрежа на идни офицери подготвени за интероперативност.

На свеченоста, Мисајловски му честиташе на новиот декан полковникот Ненад Танески за преземањето на функцијата и му се заблагодари на досегашниот декан полковникот Митко Богдановски за придонесот во развојот на оваа институција.

Полковникот Танески истакна дека во изминатите 30 години Академијата се изгради како единствена воена високообразовна институција во државата, која постави темели за квалитет, традиција и континуиран развој. Тој додаде дека од првите генерации до денес, 1.234 питомци, од кои 74 странци од НАТО и партнерските земји, низ обука и образование станаа офицери, лидери и врвни професионалци.

Во рамките на свеченоста беше промовирана и монографијата „30 години Воена академија“ – капитално дело кое ја обележува историјата, достигнувањата и придонесот на Академијата во државата и општеството.

Поврзани теми:

Сашко Лафчиски|избор|министер за одбрана|Владо Мисајловски|Воена Академија

Повеќе на оваа тема:

Најнови вести од: Македонија

Едно избирачко место воопшто не е отворено, во останатите гласањето се одвива непречено

До 9:00 часот утрово излезеноста за повторните локални избори во општина Врапчиште е еден процен или гласале 272 лица, во општина Гостивар 0,93 проценти или 651 гласач, во Маврово – Ростуше 2,89 отсто или 306 лица, додека во општина Центар Жупа 0,75 проценти или гласале 57 избирачи, соопшти Државната изборна комисија (ДИК).

Утринава на Попова Шапка најстудено, минус 8 степени, но и најмногу снег, 31 сантиметар

Времето денеска ќе биде променливо облачно и студено, претпладне со повремени локални врнежи од снег, попладне врнежите ќе престанат. Ќе дува умерен, а долж Повардарието засилен ветер од северен правец. Максималната температура ќе биде во интервал од -1 до 5 степени. Во Скопје, променливо облачно и студено. Претпладне со повремен слаб снег. Ќе дува умерен, во делови од котлината повремено засилен ветер од северен правец. Максималната температура ќе достигне до 3 степени.

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

За Беџети, „кандидат за нобеловец за економија“, „легитимно е РСМ да се федерализира, а да се смени антиалбанскиот устав“!

„Барањето за федерализација на Македонија е легитимно, но тоа беше поништено уште во 2001 година. Албанската политика сега нема моќ ниту да го отстрани терминот ‘20 проценти’ во антиалбанскиот устав.“ – наведува д-р Неџат Беџети, професор по економија во државниот Универзитет во Тетово, кој инаку беше предложен од група од негови колеги-економисти во декември 2023 година како „кандидат за добивање Нобелова награда за економија“, со образложение дека „развил ‘Теорија на економскиот развој заснована врз демографското концентрирање“. Кандидатурата на Беџети била пријавена во Комитетот за Нобеловата награда, но друг ја имаше добиено.

Денес повторни избори за градоначалник во четири општини

Во општините Гостивар, Маврово – Ростуше, Врапчиште и Центар Жупа денеска се одржуваат повторени избори за градоначалник, откако на првиот круг на локалните избори на 19 октомври минатата година не беше постигната законската излезност од најмалку една третина (33,33 проценти) од запишаните гласачи, што е услов изборите да се сметаат за успешни.

Македонија воведува најстроги забрани против пушење, казни за граѓаните и до 300 евра

Државата подготвува целосно нов и значително построг Закон за заштита од пушење, со кој драстично се заоструваат правилата за употреба, продажба, рекламирање и промоција на тутунските и никотинските производи.
Сите вести од Македонија

Најнови вести

To top