Мицкоски притоа упати директна критика кон, како што рече, некои политички елити во Македонија, кои не успеале навреме да ја препознаат суштината на проблемот. „Некои политички елити кај нас не успеаја да го препознаат тоа. Беа кратковиди и лекомислени, или се водеа од лични интереси. Мислеа дека ќе бидат решени сите проблеми, ако потпишат бел лист хартија,. Тоа не оди така во реалната политика.“ – нагласи Мицкоски.
Премиерот нагласи дека поради таквиот пристап е направена сериозна штета и оти се создадени се големи проблеми, кои сегашната Влада ќе мора да ги решава. „Направија многу штета и големи проблеми, кои ќе треба да ги решиме. Но, ќе се бориме, тоа е нашата задача.“ – додаде Мицкоски.
Тој порача оти решенијата нема да дојдат ниту брзо, ниту лесно, но дека Владата е подготвена да се соочи со наследените предизвици.