Според Мицкоски, во услови на исклучително големи глобални проблеми македонската економија се движи кон консолидирање, полека, но сигурно. „Предизвиците нема да сопрат, тие ќе продолжат, но се обидуваме да ги предвидиме и така да изнаоѓаме решенија за тие предизвици. Колку е државата посилна, толку и бизнисот повеќе вреди, толку и имотот повеќе вреди. Колку е бизнисот посилен, толку станува државата посилна затоа е многу важно да имаме ликвиден бизнис, економија. Таа економија да си ги врши навремено обврските кон државата и кон буџетот. Со исполнувањето на тие обврски и со солиден и ликвиден буџет ние ќе можеме да имаме повеќе капитални инвестиции, да имаме повеќе во здравството, образованието, земјоделието, да имаме поголеми пензии и плати и т.н.“ – посочи премиерот.
Натаму тој истакна: Ова е двонасочна улица. Јас сум навистина задоволен. Критиките и аргументите ќе ги анализираме таму каде што можеме да бидеме подобри. Во следната година ќе се потрудиме да бидеме подобри. Задоволен сум, бидејќи е двоцифрен процентуалниот пораст на бројот на оние компании, што се задоволни од бизнис климата, и затоа што се подготвени да ја зголемат својата инвестиција во земјата. Ќе имаме предизвици, но ние како Влада тука сме, мотивирани сме и сакаме да ги решаваме тие предизвици, како што тоа го правиме многу пати во минатото така и во иднина ќе се бориме за секоја инвестиција, за секое евро вложено во земјата. Сметаме дека со секое евро и секој денар, вложени во земјата, ние ќе имаме побогата и постабилна земја, а тоа значи дека имотот на нашите граѓани и бизнисите на бизнисмените повеќе ќе вредат.