Македонија

Муцунски во Обединетите Арапски Емирати, нови инвестиции и заеднички проекти, кои ќе ја зајакнат економската поврзаност меѓу двете земји

Потврдени одлични заемни односи меѓу Република Македонија и Обединетите Арапски Емирати и истакнат растечкиот потенцијал за продлабочување на соработката.

1 минута за читање

Во рамки на посетата на Обединетите Арапски Емирати министерот за надворешни работи и надворешна трговија на Македонија Тимчо Муцунски денеска оствари средба со министерот за надворешни работи Тани бин Ахмед Ал Зејуди. Двајцата соговорници ги потврдија одличните заемни односи и го истакнаа растечкиот потенцијал за продлабочување на соработката. Посебна нагласка беше ставена на економијата, трговијата и инвестициите како приоритетни области за идна соработка.

Министрите ја потврдија подготвеноста на двете држави да ја засилат соработката во области од заемен интерес, вклучувајќи инфраструктура, енергетика, туризам и технологија – сектори во кои Обединетите Арапски Емирати се препознаваат како глобален предводник во иновациите.

Тие се согласија дека денешната средба ја отвора вратата за нови инвестиции и заеднички проекти, кои значително ќе ја зајакнат економската поврзаност меѓу двете земји, соопшти Министерството за надворешни работи и надворешна трговија на Република Македонија.

Поврзани теми:

Министер за надворешни работи Тимчо Муцунски|актуелно|Република Македонија|Обединети Арапски Емирати|економска соработка

Повеќе на оваа тема:

Најнови вести од: Македонија

ИНА: Ако продолжи одбивањето на сосопственоста на Албанците врз државата, тие ќе се радикализираат, ќе бараат целосна автономија и ќе се исцртаат границите!

„Ако македонската политичка елита продолжи да го игнорира албанскиот јазик и да отфрла дека и Албанците се сосопственици на оваа држава, тогаш таквото одбивање неодбежно ќе доведе нѐ до поделба, до радикализација на албанските барања и до нивно барање за целосна автономија со исцртани граници.“ – наведува информативната агенција на албански јазик „Илирија-ИНА“ во својот уреднички коментар со наслов „Отфрлањето на албанскиот јазик од страна на Македонците: Тивкото самоубиство на државата, која одбива сосопственост“.

Невидена трагедија: Мајка и дете денес околу 14 часот се фрлиле од зграда кај „Алумина“ во Скопје!

Страотна трагедија се случи денес попладнево: мајка на возраст од околу 45 години и дете на возраст од околу 10 години се фрлиле од зграда кај „Алумина“ во Скопје и потоа починале на самото место. Идентитетот на жртвите засега не е познат, а увидни екипи на полицијата и обвинителството се на местото на настанот.

Пајазити: Има десет причини зошто треба Македонците да го учат албанскиот јазик, а не да го мразат! – Овој скандалозен пристап ги направи посиромашни!

„Повеќето Македонци живеат со Албанци со години и векови и не сакаат да го учат нивниот јазик. Не само што не го учат, туку и отворено го мразат и му се спротивставуваат отворено. Постојат десет причини зошто треба да го учат Македонците албанскиот јазик.“ – тврди Мухамер Пајазити од Куманово, професор по евроинтеграции во државниот Универзитет во Тетово, во својата колумна, која ја објави информативната агенција на албански јазик Илирија – ИНА од Скопје.  

Се проширува истрагата за убиствата, за кои се сомничи Т.Б. дека ги извршил како можен сериски убиец – Му се заканува казна доживотен затвор

„Се проширува за уште едно убиство истрагата против овчарот Т.Б. од село Малотино, општина Старо Нагоричане, осомничен за убиство на седумдесет и осумгодишна жителка на село Челопек се проширува за уште едно убиство. Ќе се ископува телото на друга жена.“ – изјави обвинителот Љубомир Лапе.

Транспаренти и графити низ Чаир заради „политичко мобилизирање“: Време е да ги направиме Албанците повторно господар на куќата!

„Денес во раните утрински часови, на неколку улици во општина Чаир во Скопје се појавија графити и пароли со политичка содржина. На натписите пишуваше: ‘Време е да ги направиме Албанците повторно господар на куќата!“ – оваа вест ја објави денес весникот на албански јазик „Лајм“ од Скопје.

Мицкоски: Минималната плата се зголемува, повисоки примања од април

Откако сме како Влада избрани до сега, ги имаме регулирано односите со нашите колеги во најголем дел. Кога ќе кажам во најголем дел, тоа е 95 па и повеќе проценти, преку колективни договори кои што имаат краен рок на реализирање до 2028 година, изјави претседателот на Владата на Република Македонија Христијан Мицкоски на денешната седница на Економско-социјалниот совет.
Сите вести од Македонија

Најнови вести

To top