Министерот за надворешни работи Тимчо Муцунски кој ретко дава лични оценки и квалификации за политичките ривали во коментира последните изјави и Натали на неговиот претходник Бујар Османи кој настапува агресивно и меѓу редови се заканува по стабилноста на Македонија.
Муцунски го обвинува Османи дека имал двојни принципи, еднаш кога е на власт се други пат кога е во позиција.
,,Интересно е како некои личности, кога се на власт, се прогресивни Европејци, а штом ќе дојдат во опозиција, одеднаш стануваат апостоли на дестабилизација и поделби.
Османи беше дел од власт во која Македонците беа малцинство – и тоа не му пречеше. Напротив, одлуки се носеа и во Владата и во Собранието без македонско мнозинство – и сè беше во ред, демократски, европски.
Но денес, кога постои јасно демократско мнозинство, кога народот – независно од етничка или било каква друга припадност – избра промени, тоа (според него) станува „проблем за соживот“, вели Муцунски според кого за Османи, проблемот не е во моделот туку проблемот е што ДУИ повеќе не е на масата.
,,Ние, во меѓувреме, работиме да ја поправиме штетата што ја оставивте – дома и надвор. Со работа, со принципи, со почит. Не со закани и манипулации.
Демократијата не е валидна само кога сте дел од власта. А граѓаните веќе го кажаа своето – јасно, на избори”, пишува Муцунски.
Османи кој како дел од ДУИ цели 23 години беше дел од власта не може да прифати дека неговата партија сега не е во можност да наметнува одлуки кои во негово време беа на штета на Македонците како тие за Преспанскиот Договор и Договорот за Бугарија.
Јас верувам во соживот, во дијалог, и во иднина изградена врз вредности, еднаквост и напредок. За разлика од него, секогаш сум работел на обединување – затоа што сакам да живееме во држава што ги поврзува луѓето, не ги дели. Во држава што гради, не руши. Современа. Самоуверена. Европска.