Македонија

Фандакова контра Муцунски: Кршењето на стаклото на амбасадата не било изолиран чин

Шефицата на Комисијата за надворешна политика на бугарското Собрание не се согласува со шефот на македонската дипломатија

2 минути за читање

Јорданка Фандакова, претседателка на Комисијата за надворешна политика на Народното собрание на Бугарија, не се согласува со констатацијата на македонскиот министер за надворешни работи Тимчо Муцунски дека кршењето на стаклото на бугарската амбасада во Скопје пред неколку дена било изолиран чин.

„Овој чин не е изолиран, индивидуален чин на вандализам, туку е директна последица на континуираната неказнивост, на толерираниот и поттикнуван говор на омраза во Република Северна Македонија против Бугарија и бугарската заедница. Недостигот од систематско гонење и соодветни системски казни за претходните, веќе многубројни напади врз претставници и организации на бугарската заедница одржува целно насочена атмосфера во Северна Македонија, во која ваквите злосторства и говор на омраза не само што не се спречуваат, туку се охрабруваат и очигледно се зголемуваат.

Како претседател на Комисијата за надворешна политика на Народното собрание на Бугарија, остро го осудувам овој чин. Тоа не е само удар врз дипломатското претставување на соседна земја на Северна Македонија, членка на Европската унија, туку и врз напорите на Бугарија да живее и да се развива во услови на добрососедски односи, врз европската перспектива на Република Северна Македонија кон која изјавува дека се стреми, и врз европските вредности, меѓу кои е и владеењето на правото“, рече Фандакова на денешната прва седница на Комисијата годинава.

Ден по кршењето на стаклото од влезната врата на бугарската амбасада во Скопје, македонското Министерство за внатрешни работи го уапси каменувачот, кој, неофицијално, не е од македонска националност.

 

Поврзани теми:

Амбасада на Бугарија|Комисија за надворешна политика|Тимчо Муцунски|стакло|Јорданка Фандакова

Повеќе на оваа тема:

Најнови вести од: Македонија

(Видео): Ова е човекот кој ги запали двете дипломатски возила пред бугарската амбасада во Скопје

Од снимките може да се види како едно лице се приближува кон возилата паркирани на тротоарот пред Амбасадата. Додека се упатува кон нив, лицето од пластична кеса вади шише со непозната течност и ги полева возилата. Потоа се гледа како предниот дел од автомобилот „сузуки“ гори, а лицето што го предизвика запалувањето бега.

За бугарското МНР потпалувањето возила близу бугарската амбасада е „напад врз Бугарија и Бугарите“ и „последица на агресивниот политички говор и омразата во РСМ“?!

„На 15 јуни 2026 година напладне непознато лице запали два од дипломатските автомобили на Амбасадата на Бугарија во Скопјe, лоцирани пред официјалниот влез на мисијата. Овој последен напад врз Бугарија и Бугарите е резултат на агресивен политички говор, кој поттикнува омраза и недостаток на соодветен одговор од страна на институциите во претходни слични значајни случаи, кои создаваат чувство на неказнивост за сторителите. Потсетуваме дека по последниот палеж во С.Македонија врз Бугарскиот културен клуб во градот Битола, наместо да добие соодветна казна, палежот беше хероизиран и беше вклучен во предизборна политичка кампања.“ – тврди Министерството за надворешни работи на Бугарија во своето денешно соопштение, кое го пренесе бугарската информативна агенција БГНЕС.

Мицковски: Украина и Молдавија немаат опозиција како нашата, која работи за интересите на туѓи влади и интереси и против интересите на својата земја!

Претседателот на Владата на Република Македонија Христијан Мицкоски денес беше прашан како го коментира тоа што денеска Украина и Молдавија го отвораат првиот кластер од преговорите за членство во ЕУ, додека Македонија и натаму чека да го направи ваквиот чекор, за кој главен услов се уставни измени. Мицоски првин се осврна на отворените територијални прашања што ги имаат овие две, кои, како што кажа, за разлика од нас не ги контролираат целосно териториите на своите држави, алудирајќи притоа на војната што Украина ја има со Русија и на предизвиците што Молдавија ги има на тој план. Друга разлика, според него, е тоа што овие две земји, како што кажа, имаат опозиција која не работи против интересите на својата земја и своите граѓани.

Владата на Македонија најостро го осудува вандалското опожарување возила со дипломатски статус близу бугарската амбасада!

„Владата на Република Македонија најостро го осудува вандалскиот и недозволив чин на опожарување на возила со дипломатски статус во непосредна близина на Амбасадата на Република Бугарија во Скопје. – Ваквите постапки претставуваат напад врз принципите на безбедноста, дипломатските односи и меѓународното право и не смеат да имаат место во демократска држава. Надлежните институции веќе преземаат интензивни мерки за целосно расчистување на случајот и откривање на сторителите. Како Влада испраќаме јасна порака дека секој обид за предизвикување тензии, ширење омраза или нарушување на безбедноста ќе биде максимално казнет“ – реагираше Владата на Република Македонија.

Се трага по лице, кое денес опожарило две возила близу амбасадата на Бугарија

Припадници на Министерството за внатрешни работи се во активна потрага по непознатиот напаѓач, кој денеска среде бел ден подметнал пожар на возила на бугарската амбасада во центарот на Скопје. Сѐ уште непознатиот млад човек полил и запалил едно возило „сузуки витара“, а пожарот го зафатил и соседното возило, сопственост на амбасадата на Бугарија во Македонија, по што се дал во бегство.

За Бугарите македонскиот јазик постои „од 1944/1945“, а Зденка Рибарова ги истражуваше македонските ракописи од 12 и 13 век и писмени традиции стари повеќе од 11 века!

Чешката палеославистка и македонистка проф.д-р Зденка Рибарова е еден од најзначајните научници во истражувањата на историјата на македонскиот јазик, старословенистиката, црковнословенските текстови од македонска редакција и проучувањето на средновековното македонско ракописно наследство. Нејзиното научно дело претставува еден од темелите, врз кои денес се засноваат современите истражувања на македонската писмена традиција. На 13 јуни 2026 година се навршија 81 година од раѓањето на оваа чешка лингвистка, чие научно дело има немерливо значење за историјата на македонскиот јазик и широката меѓународна афирмација на неговата самобитност и постоење низ многуте векови. Рибарова проучувала и анализирала десеттици македонски ракописи од 12 и 13 век. Истражувањата и студиите за постоењето на македонскиот јазик и неговите ракописи од изминатите векови на оваа врвна чешка македонистка ги уриваат и ги обесмислуваат сите денешни негирања и фалсификати на политичка и лажнонаучна Софија дека, божем, македонскиот јазик „нема свои историски корени“ и оти е само „вештачка творба, измислена врз бугарски јазични темели“.

ВМРО ДПМНЕ: СДС тоне поради слугувањето на Софија, а Филипче е најгласен претставувач на бугарските барања и на „Бугари во Устав“!

„Филипче и СДС се тотално изгубени на политичката сцена, немаат политичка стратегија за државата, немаат визија, ниту план за развој на државата. Единствена политика која ја нудат Венко Филипче и СДС е слугувањето на официјална Софија и застапувањето на туѓи политички агенди.“ – реагира ВМРО ДПМНЕ.
Сите вести од Македонија

Најнови вести

To top