Орхан Муртезани, поранешен министер за европски прашања во актуелната македонска Влада, а потоа советник на премиерот, ќе биде нов амбасадор на Македонија во НАТО, како едно од деветте кадровски решенија за дипломатско-конзуларните претставништва дефинирани на денешната владина седница.
На местото на Агнеса Руси Поповска во Софија заминува Крум Ефремов, директор за економска и јавна дипломатија во Министерството за надвофрешни работи, а на местото на Андреј Жерновски во Букурешт доаѓа Габриел Атанасов.
Нов амбасадор во Обединетото Кралство, ќе биде Илина Мангова, која доаѓа од невладиниот сектор и била дел од раководството на Меѓународниот републикански институт (ИРИ).
Линда Салиеска Иљазоска од кабинетот на шефот на дипломатијата Тимчо Муцунски е кандидатка за амбасадорка во Хаг.
Од претходно е познато дека Веле Трпевски ќе биде амбасадор во Тирана, Андријана Цветковиќ во Токио, Димитар Блажевски во Киев и Фадил Зендели во Копенхаген.