Од обвинителството и МВР денеска информираат дека се прегледуваат снимките од вчерашниот натпревар од лигата на шампионите во фудбал на кој играат Шкендија од Тетово и Карабах од Азербејџан.
Надлежни обвинители и припадници на МВР врз основа на снимениот и документиран материјал презеле мерки и веќе постапуваат.
Од трибините на националната арена „Тодор Проески“ синоќа ечеа националистички пароли со големоалбанските аспирации, при што се слушаше извици:
„Илирида“, Голема Албанија“, „Чемерија“…
Навивачите скандираа за „Илирида“ – односно замислена република која има територијални претензии кон половина Македонија, но и за делот од Грција кој го нарекуваат Чемерија, како и за Косово.
Ваквите „пораки“ одекнуваа додека на трибините беа повеќе албански политички лидери кои остро го осудија навивањето во Куманово но не смеат да ги критикуваат навивачите на Шкендија.