Македонија

МВР влегува во Град Скопје и „Комунална хигиена“ поради алармантната состојба со отпадот

Владата ги задолжи интитуциите да постапат

2 минути за читање

Владата на денешната седница донесе одлука со која го задолжи Министерството за внатрешни работи (МВР), во координација со повеќе инспекциски и здравствени институции, веднаш да спроведе вонреден инспекциски надзор во Град Скопје и во ЈП „Комунална хигиена – Скопје“, поради сериозните проблеми со собирањето и транспортирањето на комуналниот отпад.

Според владините заклучоци, Државниот комунален инспекторат (ДКИ), Државниот инспекторат за животна средина (ДИЖС), Државниот санитарен и здравствен инспекторат (ДСЗИ) и Институтот за јавно здравје (ИЈЗ) се задолжени, во соработка со МВР, веднаш да почнат координиран надзор на целата територија на главниот град. Целта е да се утврди реалната состојба со отпадот и да се преземат итни мерки за заштита на јавното здравје и животната средина.

Паралелно, МВР е задолжено — во соработка со градските и државните инспекции — да ги испита постапките на Град Скопје и на ЈП „Комунална хигиена“, како и улогата на градоначалникот Данела Арсовска во ситуацијата со несобирање на отпадот. Според МВР, несобраниот отпад претставува директна опасност по здравјето на граѓаните.

„Состојбата е алармантна и, иако надлежноста е на Град Скопје, поради континуираното непостапување ги повикуваме институциите веднаш да дејствуваат по заклучоците на Владата“, наведуваат од Министерството за внатрешни работи.

Со оваа одлука, Владата практично воведува државен надзор над градската хигиена, откако со денови улиците на Скопје се преплавени со отпад, а јавното претпријатие и градските власти меѓусебно си ја префрлаат одговорноста за кризата.

Поврзани теми:

актуелно|влада|седница|мвр|топ

Повеќе на оваа тема:

Најнови вести од: Македонија

Трипуновски: ЕУ jа поздрави реакцијата на Владата за запирање на постапките во Платежната агенција со парите од ИПАРД до расчистување на случајот

„Опозицијата да не шпекулира, само 50-тина договори од ИПАРД 3 – програмата кои што се во фаза на реализација, се запрени по скандалот со директорот на Платежната агенција. Ги демантирам шпекулациите во јавноста дека ‘Брисел нѐ блокира, ќе бидат изгубени парите и т.н’, што апсолутно не е точно.“ – истакна вчеравечер, на 12 ноември 2025 година, министерот за земјоделство, шумарство и водостопанство Цветан Трипуновски во гостувањето во „Тема на денот“ на ТВ Сител.

Маск до Лаен: Вие како лидер на ЕУ треба да бидете избрани директно од народот, а не од некој комитет!

„Милијардерот и технолошки моќник Илон Маск упати критики кон европската демократија и претседателката на Европската комисија Урсула фон дер Лаен.“ – објави eвропското издание на американската новинска организација „Политико“, кое известува за политичките прашања на Европската Унија.

(Видео): За Љупчо Николовски има сериозни сомнежи за сторен криминал, вели Трипуновски

Министерот Трипуновски вели дека Николовски кој што деновиве се појавува на прес конференции ја нема раздолжено техничката опрема која што ја има задолжено во Министерството. Трипуновски истакна уште еден пример, имено по склучениот договор со KfW Банка за кредит од 80 милиони евра за инвестиции во водостопанството.

Николоски: Македонија и Бугарија се договорија за заедничкиот тунел од пругата, проблемот со железницата беше инженерски, а не политички

„Овој проект ќе се финансира со ефтини кредити и грантови, за кои веќе има интерес од Европската Унија и Европската инвестициска банка, и тој има и геостратегиско значење, бидејќи е поддржан од НАТО и САД.“ – изјави вечерва во емисијата „Топ Тема“ на ТВ Телма заменик-претседателот на Владата и министер за транспорт и врски Александар Николоски.

Скопје започнува нова ера – ќе има подземна сообраќајница во центарот на градот

Скопје започнува нова ера во урбаната инфраструктура, подземната сообраќајница на булевар Македонија ќе ги растовари метежите и ќе воведе современи решенија според европските стандарди.

Продлабочување на соработката: Стоилковиќ во Белград на средба со српската министерка за економија

Вицепремиерот Стоилковиќ во Белград оствари работна средба со потпретседателката на Владата на Србија и министерка за економија Адријана Месаровиќ. Се разговараше за потпишување на меморандум за натамошно унапредување и продлабочување на економската соработка…

Како ќе изгледа мега паркот во општина Бутел (ФОТО)

Со реализацијата на овој проект, Општина Бутел најавува нов пристап кон уредувањето на јавните простори – со акцент на зеленилото, пристапноста и функционалноста. Паркот е дел од пошироката стратегија за зголемување на зелените површини во Скопје и претставува пример како може да се комбинираат еколошки вредности и современ урбан дизајн.
Сите вести од Македонија

Најнови вести

To top