Двојни стандарди и чудни одлуки на обвинителството за органиизран криминал раководено од обвинителот близок на ДУИ Ислам Абази.
Чудното однесување го анализира адвокатот Јанаки Митровски кој забележува различно однесување на ОЈО ГОК во различни случаи.
Митровски потсетува дека при апсењето ОЈО ГОК барало притвор за осомничените во случајот Мазут вреден 160 милиони евра без да утврди штета а за 350 илјади евра најдени во ѕидот на домот на судијата Ристов се вара домашен притвор.
,,Кога се уапси Апелационен судија со 350.000 евра, ОЈО ГОК барале куќен притвор. Внимавајте, не судот да му определи, туку Организиран бара да си седи година дена дома.
Ќе го суди скопскиот Кривичен суд, ОЈО ГОК не бара изземање на судот и определување на друг суд бидејки 80% од судиите му биле колеги, не, ОЈО ГОК верува во непристрасноста на судот.
Истовремено ОЈО ГОК затвора притворска истрага од 160 МИЛИОНИ ЕВРА бидејки претставниците на ЕСМ кажале дека нема штета. И ОЈО ГОК им верува. Јас па мислев ќе дадат наредба за вештачење за да се утврди штета?
Како тогаш утврдиле минимум основано сомнение за да одат на апс и да бараат притвори?
Не ги потпрашаа оштетените прво, да каже нема штета и да не се малтертираат луѓето”, пишува Митровски кој со постот укажува на можна корупција и евентуална поделба на 160 милиони евра од повеќе инволвирани луѓе.
,,Е кога се апсат јајари, обични смртници, тогаш ОЈО ГОК тренира строгоќа. Бара и добива притвор со смрт, не прифаќа гаранции, судот си ги копи пејстира нивните образложенија.
Речиси НИТУ ЕДНО притворско решение од одделот на претходна постапка не е укинато без согласност на ОЈО ГОК и тоа е СРАМОТА!!! Чуму ни треба суд тогаш, нека бидат judge, jury and executioner!!!
За Претседателот на гостиварскиот суд фатен со осум бона мито ни куќен притвор не бараа. Му земаа пасош и толку. Кои цареви”, пишува Митровски.