Македонија

Николоски: Oдговорност за секој криминал и корупција направени во Општина Демир Капија

-Демир Капија можеби е мала како општина, но во делот на СДСМ има многу бандити кои ја злоупотребуваат функцијата

Потпретседателот на ВМРО-ДПМНЕ, Александар Николоски од митингот во Демир Капија истакна дека по промените на централно ниво, време е за промени и на локално ниво во Демир Капија.

-Демир Капија можеби е мала како општина, но во делот на СДСМ многу бандити кои ја злоупотребуваат функцијата и мислам дека основната причина зошто тука грчевито се бори оној кој си заминува од градоначалник, е токму за да ги заштити работите кои ги правел во делот на злоупотреби. Во министерството кое го водам веќе има бројни претставки од граѓани, но и од институции и мислам дека е свесен дека по заминувањето работата ќе му биде испитана и ќе се одговара за секој криминал и корупција направени во Општината, дециден е Николоски.

Тој посочи дека Демир Капија е општина со голем потенцијал, за економски развој.

-Навистина треба да е загрижен за ова што го правел, дали е во дел на одредени винарии, рибници или во дел на други проекти кои ги спровел тука, а никој не може да ги види. Затоа прво победа на 19 октомври тука, а потоа одговорност, потенцираше Николоски.

Најнови вести од: Македонија

Мицкоски: 23 Октомври е завет дека Македонија никогаш нема да биде ничија туѓа мисла, туку вечен порив за слобода

И додека го чествуваме овој ден, се поклонуваме не само пред храброста на тие први борци, туку и пред идејата која и денес нè повикува – да бидеме достојни наследници на нивната верба и нивниот сон

Куманово и Кавадарци испратија помош, се чисти центарот на Скопје од отпад (ВИДЕО)

Кандидатот за градоначалник на Општина Центар, Мирослав Лабудовиќ, заедно со кандидатот за градоначалник на Скопје, Орце Ѓорѓиевски, од раните утрински часови спроведуваат интензивна акција за расчистување на купиштата отпад што го преплавија Центар и главниот град, соопшти Движењето ЗНАМ.

Хаос со ѓубрето во Скопје: ВМРО-ДПМНЕ бара одговорност од Арсовска

Советничката група на ВМРО-ДПМНЕ и Коалицијата тврди дека сите предлози на градоначалничката Данела Арсовска, поврзани со работата на ЈП „Комунална хигиена“, биле прифатени и изгласани од советниците на ВМРО-ДПМНЕ во Советот на Град Скопје

To top