„Само што добив ОДЛИЧНИ вести од Брисел во врска со огромниот проблем на превозниците од Македонија! Нашите ставови се прифатени. Возачите се прифатени како ПРОФЕСИОНАЛЦИ. Тоа е тоа што го баравме.“ – објави вицепремиерот и министер за транспорт Александар Николовски на својот фејсбук-профил во врска со протестот на камионџиите и од Македонија.
Николовски истакнува: После протестите и силната офанзива изминатиот период Брисел ќе донесе нова Стратегија за визи која ќе значи решавање на проблемот со кој се соочија професионалните возачи.
Благодарам до сите пријатели на Македонија, кои помогнаа со цел да се реши овој проблем! – порача вицепремиерот Николовски преку општествената мрежа.