Македонија

Нобеловиот институт ja отфрли замислата на Мачадо да му ја „отстапи“ на Трамп наградата за мир

Нобеловиот институт објави во саботата дека Нобеловата награда за мир не може да се пренесе на друга личност, да се подели или да се одземе, откако лидерката на венецуелската опозиција Марија Корина Мачадо, изјави дека може да му ја отстапи наградата за 2025 година на американскиот претседател Доналд Трамп.

1 минута за читање

Институтот соопшти дека одлуката за доделување на наградата е трајна и конечна и дека комисиите за доделување не коментираат за постапките, или изјавите на лауреатите по добивањето на наградата. „Откако ќе биде објавена Нобеловата награда, таа не може да се повлече, да подели, или да се пренесе на други. Одлуката е конечна и важи засекогаш.“ – соопштија од норвешкиот Комитет за доделување на Нобеловата награда и норвешкиот Нобелов институт.

Мачадо изјави во понеделникот на Фокс Њуз дека доделувањето на наградата на Трамп би било чин на благодарност од венецуелскиот народ за отстранувањето на претседателот Николас Мадуро, кого американските специјалци го грабнаа во Каракас минатата седмица.

„Дали во некој момент му ја понудивте Нобеловата награда за мир? Дали тоа навистина се случи?“, “, праша водителот. „Не се случи, сè уште“, одговори Мачадо.

Трамп, кој не ја криеше својата желба за престижната награда и постојано ја поврзуваше со своите дипломатски достигнувања, рече дека би му било чест да ја прифати Нобеловата награда, ако му ја понуди Мачадо за време на планираниот состанок во Вашингтон следната седмица.

Поврзани теми:

актуелно|Доналд Трамп|Марија Корина Мачадо|Нобелова награда

Повеќе на оваа тема:

Најнови вести од: Македонија

Модернизиран команден центар, „Безбеден град“ ставен во функција во Велес

Новиот команден центар е сместен во целосно реконструирани и реновирани простории кои во минатото биле користени од Министерството за одбрана, а потоа околу 15 до 20 години не биле во употреба. Со нивното ставање во функција, СВР Велес добива современ простор од кој се реализираат активностите поврзани со системот „Безбеден град“

Крст во чест на 63-те жртви од „Пулс“ поставен на влезот во Кочани

Овој крст ќе нè потсетува и на болката и трагедијата што се случи овде во нашиот град. На повредените нека им подари здравје, сила и поткрепа да закрепнат и дај Боже постојано да останеме во заедница, во љубов со Бога, со силата на крстот

СДСМ бара истрага за 5,5 милиони евра за прославата

Пет милиони евра народни пари кога ќе се потрошат, граѓаните мора да знаат секој денар, секое евро каде завршило. Владата мора да ги објави договорите, анексите, фактурите, банкарските исплати, примателите, изведувачите, добавувачите и пресметаните даночни обврски

Мицкоски: Потврдувањето на кредитниот рејтинг од страна на „Фич“ е уште една лоша вест за опозицијата

​Три години водат кампања дека секоја година само што не сме банкротирале, буџетот бил без пари, економијата назадувала и така натаму. ​Одговорите стигаат од сите страни, од Светска банка, од Меѓународниот монетарен фонд, еве и од сега од реномирани кредитни агенции како што е „Фич“

Претседателот на Босилово Манчев: Пожарот во Иловица е подметнат, гранките биле сечени со секира, најдена е и запалка!

„Според сите укажувања, намерно предизвикан пожар ќе направеше катастрофа во Иловица. Благодарение на брзата реакција на голем број граѓани, противпожарната служба и МВР, пожарот е изгаснат.“ – објави градоначалникот на Општина Босилово Ристо Манчев, во објава на фејсбук.
Сите вести од Македонија

Најнови вести

To top